同男朋友第一次外遊 四個貼士保證你甜甜蜜蜜

同男朋友第一次外遊 四個貼士保證你甜甜蜜蜜

情侶啱啱拍拖,梗係會計劃去旅行。除咗爭取時間相處,其實都係觀察對方,係咪適合嘅發展對象,去旅行,朝夕相對,又要見埋落妝後嘅臉容,都算係照妖鏡嘛。所以第一次去旅行,係無比嘅重要。各位新牌女友,袋住呢四個貼士,留個美好印象比對方,留個難忘回憶比自己,過關話咁易啦。

by 情非得已

1. 唔好太懶瞓

去旅行,人人有唔同嘅生理時鐘。切記唔好瞓到成隻死豬咁,醒瞓D,亦唔好瞓到黃朝百晏先起身。預返適當時間化妝裝身,做個體貼女友,加晒分啦。

2. 記得要整齊

男人梗係想女朋友賢良淑德,所以係旅途上,記住一切要有條理,尤其係個人物品。係酒店又好,執皮篋又好,記住樣樣嘢有手尾,唔好太亂,人哋先會感覺到你係賢妻類型。

3. 互相遷就

去旅行果陣,一定會各有喜好,佢可能想行博物館,你可能想去食pancake。記住一定要互相遷同溝通,佢就完你你又陪吓佢咁,先有情趣。唔好郁D就發小姐脾氣,唔好公主病上身,否則對方都會怕咗你,仲會搞到一拍兩散,緊記緊記。

4. 床上有情趣

第一次去旅行,不妨都預備吓D床上小情趣。性感內衣、小道具等等,必不少得,咁樣床上先會甜甜蜜蜜。最後,就係白天唔好玩咁攰,留返D時間同精力係床上,咁樣第一次去旅行先會圓滿。祝閣下(和另一半)有個愉快的旅程。

LOAD MORE