「佛系」可以話係一種生活態度，係指採取隨遇而安兼懶洋洋嘅態度去面對所有事情，網絡上更加衍生出「佛系生活」、「佛系上班」，「佛系減肥法」等等，當然唔少得「佛系戀愛」。「佛系戀愛」係指什麼都不做，待緣份到了，就自然會拍拖了。
登入 瀏覽本網站，可獲取積分換領專屬優惠
點擊查看專屬優惠
但係愛情呢家嘢又點會真係你乜都唔做，佢就自己嚟搵你呀。你想中六合彩，都要落街買，齋講齋等乜都唔做，緣份係唔會自動來敲門。想脫單就唔好再信「佛系戀愛」，女孩子採取主動，戒掉呢5個「不」，包你出Pool無難度！
1.不主動
如果你見到心儀對象，但什麼也不做其實唔會有任何事情發生，至少你都要俾啲暗示吧。你一直只會默默的喜歡一個人，如果（好彩的話）對方同樣喜歡你就會追求你，但如果唔係佢絕對唔會知你對佢有興趣。所以，女孩子們就主動點吧，幸福不會主動來敲門。
2.不傳信息
傳信息應該係最易培養出感情嘅方法，現今社會個個都「機不離手」，如果你每日都同一個人send message自不然會有感情投放或者會變成習慣。如果你係一個極度害羞嘅人，怕面對面見面會唔知講咩，咁傳信息就會係一個好好機會比你了解對方。又唔會尷尬，又唔使考你即時反應，更加可以傳送圖片、影片、sticker，gif等等去增添聊天趣味！
3.不參加社交運動
整天宅在家煲劇打機又點會出到pool？小編明白星期一至五返工好攰，所以周末想懶洋洋整天宅在家什麼也不做，但要明白愛情係真係唔會無啦啦出現，要出pool第一步都要識朋友，擴闊社交圈子。如果每個周末都要出街你覺得太疲累的話，咪試試閒日放工後約朋友食晚飯或者飲嘢chill下，話唔定會有意外收穫呢。
4.不約會
就算你超害羞都好，約會都係有必要，因為透過傳信息你唔可以知道對方究竟係真心定扮嘢。佢講到天花龍鳳都好，面對面就會見真章。透過面對面約會，你更加可以知道對方生活小習慣同人品，究竟佢體唔體貼，傾計時候又會唔會望住你等等......呢啲小動作從聊天室都係無法得知。
5.不經營感情
脫單成功之後都唔代表你可以返回「佛系」狀態，因為只要一日男未婚女未嫁，大家都有再選擇嘅權力。如果你太隨遇而安太hea去經營感情的話，難免有一天另一半會被超戰鬥格嘅女仔搶走，到時就喊都無謂！
立即訂閱接收Cosmo最新潮流資訊
訂閱電子報，獲得更多資訊、體驗及禮遇