意想不到的調查結果! 原來>50%女生,不敢收彭于晏送的花

意想不到的調查結果! 原來>50%女生,不敢收彭于晏送的花

話說彭于晏喺情人節,出咗幾張玫瑰相,甜到爆。
令我身邊一眾女同事為之瘋狂(我冇)。
但一再細問,卻發現一個有趣情況。

by 新北由紀

話說彭于晏喺情人節,出咗幾張玫瑰相,甜到爆。
令我身邊一眾女同事為之瘋狂(我冇)。
但一再細問,卻發現一個有趣情況。

就係當我問:「如果彭于晏真係送花畀你,你會點?」
得到嘅答案係
「緊係唔敢收啦!」

Why?而家話你知。

1.戀愛對象太高,但受傷程度太重

你或者都受過情傷。
彭于晏係一個「高分情人象徵」,但佢分數太高,男神過頭,
你會明白,將來失去,或者會痛到 飛天循地。

你唔知承唔承受到,
所以甚至乎唔想承接呢份感情。

2.受注目的愛情故事,一般走不到太遠

一個男人好受注目,當你同佢行得近,
就預咗會捲入一啲狂風暴雨之中。

有啲女仔好享受,喜歡被關注。
但都有啲女仔,只想默默地、靜靜地咁愛一個人。

3.太似一個夢,混淆了現實

有時美夢成真,並非好事。會拉遠咗現實,令你生活失衡。
因為你原本就係個地球人嘛,火星嘅空氣始終會令你呼吸困難。

4.對方的完美,會令你逼死自己

他好,你都想自己更好。
竹門對竹門,呢種思想總會無形咁存在。

終於,你逼自己進步,愈逼,愈想退一步。

5.你的猜疑懷疑質疑,最終會比死難受

佢係咪真心?
佢咁好,身邊咁多女,會唔會變心?

當你同完美的他,展開感情遊戲,隨之而來總係有啲煩惱。
就算佢陪住你,你只要見到佢電話有Wtsapp,安全感都會飛散。

6.怕一投入他的世界,就摧毀了你的幻想

佢喺你眼中係最好。
但人邊有完美?

佢一定有自己嘅習慣,又一定有嘢你唔順眼……
到時,你認識到真正嘅佢,反而會懷念幻想中嘅佢。

7.你還是分得很清楚,有些人是偶像,適合遠觀

講到尾,雖然佢嘅戲你會睇,
佢嘅新聞你會追,
佢嘅一切會令你尖叫。

但你分得好清楚,有啲人叫偶像,適合遠觀。
同愛情並唔一樣。

你要嘅愛情,唔係建築於虛榮上,只係想要冬天中一雙手臂嘅體溫。

LOAD MORE