不要被以下3種情境,令你變得「為愛而愛」

不要被以下3種情境,令你變得「為愛而愛」

好多時,其實你未必太需要戀愛,
但會被一種氣氛,覺得「好似冇拍拖係錯」。

其實人生係自己嘅!絕對唔需要為愛而愛。
不過呢3種情境,的確會令人產生戀愛衝動。

by 新北由紀

好多時,其實你未必太需要戀愛,
但會被一種氣氛,覺得「好似冇拍拖係錯」。

其實人生係自己嘅!絕對唔需要為愛而愛。
不過呢3種情境,的確會令人產生戀愛衝動。

1.到達一個月要去一次婚禮的年齡

婚禮,幸福嘅兩個人,會係一種催化劑,
令你有好多幻想,甚至懷疑自己,唔應該再一個人。

但冷靜落嚟,隨便揀一個人又係好事?
你唔係刻意獨身,只係緣份未到啫。

2. 好姊妹有bb的時候

好姊妹變成媽媽,感覺自己都已經好老。
都做人契媽啦……令你不其然會覺得係咪要「是但搵個人嫁咗佢」?

事實上,人生難測。有人早有人遲。
只係呢個朋友同你親近,令你覺得自己步調有錯。

但諗深啲並唔係咩問題。有人20歲就搵到真愛,有人40歲先廝守到老,
一切都話唔埋、講唔定。

3. 發覺父母老去時

有時,你諗自己好輕鬆。
只係諗埋家人,就有啲負擔。

好多時,唔係你急,係你屋企人急。
你父母年紀大,身體冇以前咁好,想快啲見你搵到另一半,
好想弄孫為樂。

呢種心情,你其實明白。
但要諗深一層,因為令佢哋放心,而逼自己戀愛,最終先發現搵錯人,
換來嘅只係更加擔心。

自己想點,自己總會知道。人需要一時衝動,但愛情始終係一場慢步曲。
因為不同場合而迫自己去接受一個人,最後或者只會令兩個人都傷心。

LOAD MORE