男女朋友嗌交老是常發生，輕即氹幾句就無事，重即冷戰幾日都走唔甩。更有聽過身邊朋友試過冷戰一個月，但冷戰得耐感情隨時掉淡然後無疾而終，到時先識後悔都無人幫到你！咁冷戰嘅時候到底點算好，應該等對方出聲定自己出聲先，即刻教你4招拆解冷戰危機！
ADVERTISEMENTCONTINUE READING BELOW
登入 瀏覽本網站，可獲取積分換領專屬優惠
立即登入/登記
點擊查看專屬優惠
1.冷戰最多一天
有問題最好即日解決，同另一半應預先達成共識就算嗌交冷戰都好，要喺當晚瞓教前講清楚，唔好帶住問題入睡。要知瞓醒之後問題唔識自己解決，所以絕對唔係「瞓醒就無事」或者「瞓醒先算」。
ADVERTISEMENT
CONTINUE READING BELOW
2.主動溝通
如果兩個人互相都唔願意打開話匣子，冷戰時間只會愈嚟愈長。就算幾唔情願都好，只有其中一方主動展開對話先有機會解決問題，幾唔情願或者幾嬲都好，要有溝通先會了解到對方動機或者想法，千祈唔好因爲一時意氣而斷送一段感情。
3.相互忍讓
喺一段關係入面並唔係所有問題都有簡單直接嘅解決方法，愛情唔係數學題，唔係所有嘢都有答案。尤其係價值觀或者道德上出現分歧，好似男朋友以工作為首位，而你以愛情為首位，兩個人因而出現爭執，呢啲情況並唔係一時三刻可以解決到，甚至可以係解決唔到。令到問題唔惡化嘅方法就只有接受現實，溝通，然後雙方相互忍讓遷就，一定要有其中一方忍讓，或者雙方找到一個平衡點先唔會再次因爲同樣嘅事情嗌交。
ADVERTISEMENTSCROLL TO CONTINUE
4.道歉是重點
成日都聽到人講「都唔係我錯我唔會道歉。」但其實隨時可能一句「對唔住」可以打破僵局。雖然你認為自己無錯，但對方覺得你錯而你唔知或者唔理解呢，再唔係可能對方知道根本你無錯但等緊一個下台階呢。講真，講一句「對唔住」唔洗死嘅，如果一句「對唔住」可以救返一段感情嘅話不如退一步啦！
立即訂閱接收Cosmo最新潮流資訊
訂閱電子報，獲得更多資訊、體驗及禮遇