同居是結婚的試用期，情侶先試試一起居住，互相磨合，再考慮結婚。走到同居這一步，雙方都希望感情能開花結果，但能否走到尾，就要看看你們的「同居成績表」。
登入 瀏覽本網站，可獲取積分換領專屬優惠
1. 全天候黏在一起仍有話題
未同居前每日煲下電話粥、whatsapp聯絡當然覺得多話題，到你哋日見夜見時，話題就會慢慢減少。雖然話兩個人喺埋一齊，靜靜嘅陪伴先會長久。但你仍識分辨沉默只因無言，某程度係因為拍拖見面要出街，自然會搵活動；同居後可能因為開支大咗，為咗慳錢而日日宅在家，建議雙方一齊搵共同興趣，擴闊話題！
2. 準時回家
以前大家因為拍拖而遲返屋企，依家情人喺屋企等緊你，當然巴不得快啲返去。但如果另一半比以往更多聚會，明明以前唔洗OT，依家又忽然變得忙碌，好有可能係佢覺得屋企或者你令佢感到無比壓力，一定要開門見山講清楚，睇睇點解決。
3. 情趣少不了
拍拖加同居，唔少人覺得已經係老夫老妻嘅生活，好多情趣驚喜可免則免。呢個諗法絕對大錯特錯！同居咋，你的名字仲未加上他的姓氏，唔可以咁快偷懶唔肯花思。當你哋仲keep住送禮物、送驚喜、甜言蜜語，愛情先有火花，可以繼續行落去！
4. 樂於招呼對方朋友
同居後，呢個家就係自己嘅小天地。以前因為與父母同住，唔可以邀請朋友返屋企睇波打機；依家搬咗出嚟就唔同講法。作為體貼的另一半，偶爾都要包容下對方，幫手招呼朋友，另一半亦都覺得你善解人意。當然，如果次數太頻繁，都要主動同對方傾傾。
5. 滿足性慾需求
婚前試愛係唔少情侶會做的事，假如大家對性的需求一致當然最好，例如次數、性要求、形式等等。有男人在性面前顯露出另一本性，鍾情SM、制服誘惑；有女人原來「胃口大」，每次都「餵唔飽」...以上種種都要磨合到雙方都接受到先得。
6. 男生仍有意求婚
同居耐咗，以上各點全部都pass，最後一步就係等男方action!喺佢哋立場，可能覺得現今情況同結婚無分別，安於現狀，實在無必要求婚及搞場大龍鳳！所以兩人同居前，記得要俾同居一個期限，唔好懵盛盛同居一輩子。
立即訂閱接收Cosmo最新潮流資訊
訂閱電子報，獲得更多資訊、體驗及禮遇