editing

一句激嬲全職媽媽:「你就好啦,唔洗做!」全職媽媽大平反!

一句激嬲全職媽媽:「你就好啦,唔洗做!」全職媽媽大平反!

上回(有仔趁嫩生?27歲女生升呢做全職媽媽:從不敢說後悔!)提到,Facebook專頁「港媽的第二生活」Blogger陳栢晞,廿多歲就升級做Young Mom的爭扎。未夠30歲就退出職場做全職媽媽,她坦言聽到好多人對她的評價,言語間有些懶係尊敬的、有些帶有批評、也不乏羨慕的心聲。陳栢晞卻想反駁一些針對全職媽媽的說話,為年輕的全職媽媽平反。

by 陳栢晞

1.「你就好啦,唔洗做!」

一句激嬲全職媽媽:「你就好啦,唔洗做!」全職媽媽大平反!

喇!好就好在唔使幫人打工,唔使辛苦自己益咗老細,不過我都要做,就係做人媽媽,全天候準備餵奶、換屎片、煮飯同回應BB嘅訴求。餵奶,講緊高峰一日超過8次,每次至少半小時;屎片,講緊一日可能換超過6次,當中三張係屎。BB可以隨時哭鬧,大啲又要照顧到佢學習、成長需要。老實講吖,你返緊工唔洗做嘅時間,隨時多過我。仲有,你打份工打到咁渴望唔使做,轉咗佢啦,無謂嘥時間。

 

2. 「靚女咪可以咁後生唔洗做,等老公養囉!」

一句激嬲全職媽媽:「你就好啦,唔洗做!」全職媽媽大平反!

講真,呢句說話真係乞我憎至極。喂,靚女都可以好叻㗎,家陣係咪一定要標籤靚女做花瓶咁歧視?做唔做全職媽媽係有好多因素要考慮,唔關靚唔靚事。好似我咁,係父母未退休無人幫手照顧BB,屋企太細容納唔到姐姐,而幸運地老公收入穩定,我先要唔工作,選擇照顧BB。況且,照顧BB係父母責任,我作為全職媽媽都要做到嘢,老公先無後顧之憂。

 

3.「喺屋企咁多時間,做咩都得啦!」

一句激嬲全職媽媽:「你就好啦,唔洗做!」全職媽媽大平反!

每人一日都只有24小時,你點運用係唔關你喺唔喺屋企事。湊BB都係一份工作,你喺公司又何嘗唔係湊緊你老細?但起碼你會放工,你會有重奪你私人時間掌控權嘅一刻。而全職媽媽就要24小時stand by回應BB訴求,假若無一個幫得手嘅老公,基本上全職媽媽嘅時間就係被BB操控住,直至佢返學先會開始release出來。

一句激嬲全職媽媽:「你就好啦,唔洗做!」全職媽媽大平反!

講真嗰句,你喺公司做私人事嘅時間,可能仲多過我。只要BB扭計,我就要抱住佢,計劃好的事都要推遲一、兩個鐘,你可以話我做咩都得,亦可以話我做咩都唔係好得。最慘係好多你呢種人屈我好得閒啊!

 

4.「女人唔可以無自己事業!」

一句激嬲全職媽媽:「你就好啦,唔洗做!」全職媽媽大平反!

我明啊,無事業,無錢,假若有日touchwood離婚,要出來搵工,就好難。但係生咗仔,唔可以咁自私,要諗下做咩先對BB好,BB無咗阿媽都唔得𠻹!我夠想有事業啦,無奈香港地家庭友善嘅企業少之又少,好難湊住個仔、無人幫仲可以有事業。計我話,只要保持自己唔好同社會脫節,無現成事業都可以在適當時候創出自己嘅路。

LOAD MORE