feature

馮盈盈又爆金句:濕晒,個地下都濕埋!被封為新一代「女性性博士」、「金句王」、「怪癖王」

馮盈盈又爆金句:濕晒,個地下都濕埋!被封為新一代「女性性博士」、「金句王」、「怪癖王」

世人已經阻止唔到馮盈盈(FYY)語出驚人了!港姐冠軍馮盈盈一向說話直接,直率貼地,忠於自己,她跳出港姐既定要優雅得體的框框,殺出一條大叔系女子路線,帶給觀眾網民新鮮感!作為《後生仔傾吓偈》台柱的她,最近又爆有味金句,真係搞笑抵死!

by Cosmo

1.金句王 第一次約會:濕晒,個地下都濕埋

《後生仔傾吓偈》題材貼地,大受觀眾歡迎,由當初星期二、四播出,變為一至五都有得睇。而不時爆出金句、令人嘩然的馮盈盈,就係節目長做長有的其中一個原因!最近,節目題目講到「人生的第一次」,馮盈盈分享初戀約會,話:「濕晒,個地下都濕埋」,真係夠大膽開放!原來佢係講緊自己19歲初戀,第一次約會自己表面好似好平靜,但其實內心好緊張,出勁多手汗,仲話:「隻手啲汗已經滴緊落地下。點知要拖手喎,真係想死。」一啲都唔尷尬的馮盈盈繼續講:「濕晒,個地下都濕埋,點知佢拖完就話好濕,我話係呀,我掂到男仔手就會緊張。但係嗰刻佢好浪漫,話唔緊要無問題我鍾意。」真係比佢笑死!

2.美女廚房:I love banana, my fav fruit

馮盈盈一向玩得,日前拍《美女廚房》宣傳片,仲拎住一大條香蕉影相,更張開嘴伸晒脷,話:”I love banana, my fav fruit.” 網民梗係心邪啦!

而馮盈盈見到麥明詩分享一張與陳凱琳、蔡思貝的合照,見到三人分別拎住茄子、雜莓以及菠蘿,麥明詩寫道:「美女廚房,一定好爽」馮盈盈即刻留言,大玩性暗示:「一定爽啦」,隔離仲要加條茄子同奸笑的Emoji,好有味囉!

3.金句唔嫌多

在馮盈盈短短加入娛樂圈的日子,已經創造了無數金句,包括話嘉賓「原來係處…」、「捽碟要用力啲捽喇」令人聯想女性自慰、「0和1和諧合體」、「可以研究啲蛋白質」。句句都世界級!

4.愛得夠放 當街啜男友面珠登

馮盈盈有一個10優、現職瑪麗醫院醫生的男友,不會因為一入娛樂圈這個花花世界而即飛男友,仲成日同男友Martin糖黐豆。 雖為公眾人物,但馮盈盈拍拖唔會閃閃縮縮,不時見到兩人十指緊扣,甜蜜拍拖。搭電梯時,又被人影到馮盈盈摟著Martin,錫了男友臉龐兩啖,好直率!

5.怪癖王 幫男友抆鼻毛未算激

馮盈盈個人真係冇底線,在《後生仔傾吓偈》大爆自己與男友的互動:「我同男朋友最親密的活動就係擠粉刺,佢真係好髒,好多寶藏可以亂擠……」升級互動就係「抆鼻毛」,馮盈盈唔係修剪而係直接用手抆,仲要話抆到連毛囊一拼拔起才算是成功。

最爆係馮盈盈終極自爆自己好鍾意聞男友胳肋底,無論係有味定係乾淨,甚至連男友都認為此舉係痴線。對此,馮盈盈係有解釋的:「我睇過啲研究話搵心儀對象,係睇下大家DNA夾唔夾,如果你好喜歡對方的體味就化代大家的DNA好夾……」最後更指男朋友做完運動之後的胳肋底味同平時的味道好唔同,仲話:「佢種味對我來講唔係臭。」真係聽到人唔知滴汗定好笑。

LOAD MORE