editing

小三可恥!霸氣激退第三者的3個方法

小三可恥!霸氣激退第三者的3個方法

第三者絕對係一段感情入面最唔想出現嘅三個字,遇到當然一定係好嬲,好唔明白點解呢啲事會發生喺你身上面,但你有無諗過其實問點解有第三者呢個問題,就好似問有雞先定有蛋先一樣,係兩個人之間有問題所以有第三者,定還是係有第三者所以你哋之間有問題?所以無論係懷疑緊對方,還是已經證實到有第三者都好,想有霸氣咁救番段感情,激退第三者唔一定要潑婦罵街和第三者惡鬥,可以用以下呢三個方法,成功率絕對可達99%!

by 林蝶

激退第三者方法1. 不要急住怪責對方,了解對方意向

小三可恥!霸氣激退第三者的3個方法

發現任何蛛絲馬跡都千萬不要急著怪責對方,因為如果對方真的有第三者一係同佢玩下,一係同佢認真,如果係認真,一責怪起上嚟對方可能會變得衝動,想立即投向第三者的懷抱,到時候就得不償失,所以先諗下到底你同對方之間出現咗咩問題,係本身已經關係惡劣還是第三者令到你們關係惡化,諗下自己仲想唔想繼續段感情,如果想就要冷靜同對方講你發現咗啲證據,了解對方意向,如果對方都只係玩下,咁冷靜解決兩人之間嘅問題就會成為你激退第三者嘅武器!

激退第三者方法2. 易地而處,找出問題癥結

小三可恥!霸氣激退第三者的3個方法

有時候發現對方有第三者都不必立即拆穿,因為兩個人喺埋一齊,雖然話最好要坦白,但有邊個無祕密,佢有第三者有時都未必係因為唔愛你,只係佢可能有其他需要,需要一個抒發嘅對像,畢竟兩個人一齊都會有點壓力,所以如果你發現有第三者時,而你都仲係好愛佢,應該先站喺對方立場諗下到底對方需要什麼?再諗下點樣俾到佢想需要嘅嘢佢,千祈唔好覺得佢有第三者仲要對對方好係蝕底,因為如果對方唔愛你,其實大可以立即和你分手,另覓他人,但對方無咁做嘅動機係咩?如果揾到問題所在,第三者嘅問題會容易解決得多!

激退第三者方法3. 了解自己嘅價值所在,從而解決

小三可恥!霸氣激退第三者的3個方法

一段感情之可以繼續,都一定有對方值得留低嘅原因,如果去到第三者出現,好有可能係你嘅價值開始動搖,如果了解到自己對對方嘅價值只係照顧日常起居生活,或者係照顧小孩,咁好可能要重新再思考一下兩個人嘅關係之中,你其實擔當住咩嘅角色,因為有第三者唔單止剩係對方嘅責任,如果你明白到呢點,對方亦知道你原來有思考這個問題,有可能第三者嘅問題就會消失。

小三可恥!霸氣激退第三者的3個方法

第三者可能係你感情上嘅污點,但佢亦都可能可以幫你認清雙方問題或者了解自己嘅問題,所以如果真係唔好彩遇到,千萬不要退縮,勇敢面對,咁先係霸氣!

LOAD MORE