嫁個好老公有樣睇！台灣綜藝節目 教你辨認三大有福氣面相

做女人，邊個唔想嫁個好老公？台灣綜藝節目《命運好好玩》，就分析咗三大天生好福氣嘅面相，只要有你面相如此，就會搵到好歸宿。今次真係「你的樣子如何，你的老公也必如何」，睇吓你中唔中啦！

1. 眉毛清晰 田宅官闊

節目中指出，額頭飽滿嘅女人，係聰敏兼有智慧。而眉清目秀，代表性情較溫和，同父母關係好，較獲他們寵愛。最重要係田宅官闊，即眉毛同眼睛中間嘅眼窩位置較闊，表示嫁得好，未來老公會有錢又錫老婆。三樣都有齊，就不得了！

2. 鼻子挺直 鼻翼飽滿

除咗額同眉，鼻都係一大指標，因為女人嘅夫妻宮就係鼻，山根高就愈好。山根高嘅女人，多數家庭環境都有優勢。而鼻較直同鼻翼飽滿的女人，則代表會嫁個好老公，老公不但人好，而且有錢，仲會事業暢旺，而女人亦都旺夫，彼此相輔相承，拍住上。

3. 耳珠厚大 地閣圓潤

老人家成人講，耳珠厚好福氣，節目都大大認同，皆因耳珠厚代表人緣好，人緣好就自然識到好老公。其次係地閣，地閣即係下巴下顎位置，呢個位置飽滿嘅女人，特別心胸豁達，為人寬容，家庭生活和睦圓滿，身體亦相當堅壯。所以呢種女人，都會嫁得相當理想，問心，有咩男人唔想老婆馴過綿羊？