feature

比唐詩詠更GFable?洪永城新歡梁諾妍有這6大女朋友特質!

比唐詩詠更GFable?洪永城新歡梁諾妍有這6大女朋友特質!

35歲的洪永城(Tony)自從跟唐詩詠分手後,戀情未有著落,近日才被記者發現跟30歲Model兼長跑教練梁諾妍(Inez Leong)撻著,新女友梁諾妍旋即被起底!話晒洪永城揀女朋友眼光一啲都唔差,唐詩詠本身都好GFable,到底呢位新女友Inez 有什麼過人特質吸引洪永城呢?立即分析梁諾妍6大GFable之處!


GFable特質1:梁諾妍為高學歷靚女,周身刀!

就憑Inez這顆上進心,靠自己搵食,就知道她絕非一位單純發明星夢的女生!

別以為Model 出身的梁諾妍無乜學識,原來Inez 畢業於香港名校聖士提反女子中學,之後到加拿大多倫多大學留學,有學士學位。除了Model工作外,更擔任節目主持及長跑教練,而且仲開設個人健身工作室「Fitnez Studio」,年紀輕輕做老闆娘,確係勁!就憑Inez這顆上進心,靠自己搵食,就知道她絕非一位單純發明星夢的女生!

 

GFable 特質2:梁諾妍生活自律又捱得!

未知有吸煙習慣的洪永城會否因為女友健康的生活習慣而戒煙呢?

今時今日好多女生扮「山系女神」行山打卡,而梁諾妍就絕非打卡咁簡單!除了做Model 外,梁諾妍平時極喜歡做運動,包括練跑、行山、做Gym、TRX等等都難唔到佢!她更曾到阿拉斯加參與為期9日的500公里「冰極長征」慈善跑,在零下50度低溫下完成賽事,咁捱得又咁有毅力,兼且注重健康,難怪吸引到洪永城注意!未知有吸煙習慣的洪永城會否因為女友健康的生活習慣而戒煙呢?

 

GFable 特質3:下廚功夫了得,俘虜洪永城的胃!

比唐詩詠更GFable?洪永城新歡梁諾妍有這6大女朋友特質!

幾時都話識下廚的女仔最著數!梁諾妍不止樣靚身材正,更加是入得廚房、出得廳堂!IG上經常見到她post的自家製美食,自家製紅白米牛油果壽司、香蕉pancake、三文魚牛油果菠菜闊條麵、牛油果芝士wrap...有早餐、有午餐,更有甜品,絕對能俘虜洪永城的胃,鎖住他的心!

 

GFable 特質4:可愛、性感、有氣質,形象百變!

造型自然不矯情,給人一種清純爽朗的感覺

作為Model出身的梁諾妍,當然有百變造型,可愛、性感、有氣質等通通駕馭到,而且造型自然不矯情,給人一種清純爽朗的感覺。作為男朋友的洪永城,可以擁有不同形象的女友,真係好幸福!

GFable 特質5:梁諾妍IG上絕少男生合照

比唐詩詠更GFable?洪永城新歡梁諾妍有這6大女朋友特質!

翻看梁諾妍的IG,裡面大部分都是個人生活照或與好姊妹的合照,絕少與男生的合照。當然,半隻腳踩入娛樂圈,身邊沒有狂蜂浪蝶是騙人的,但私生活能夠keep住自律,不公開玩曖昧,也令男生更有安全感!洪永城可以大大放心呀!

GFable 特質6:梁諾妍顧家又愛小朋友

比唐詩詠更GFable?洪永城新歡梁諾妍有這6大女朋友特質!

梁諾妍也是一名孝順女,今年母親節貼上與媽媽合照,更話「請不要覺得送花好嘥錢」,非常有孝心!另外她也很有孩子緣,能跟朋友的子女打成一片,有愛心的女生心地一定唔差得去邊!

 

LOAD MORE