韓國最識演戲嘅型佬?《與神同行》男主角河正宇演而優則導,仲開過畫展

韓國最識演戲嘅型佬?《與神同行》男主角河正宇演而優則導,仲開過畫展

呢位地獄使者之一嘅「江林隊長」,究竟係何方神聖?而家即刻同我現真身!

by 二弟

《與神同行》喺韓國破晒入場紀錄,超過一千萬人入戲院睇車太鉉來回地獄又折返人間,兩個鐘頭內又笑又喊。不過,睇下演員簡介,「河正宇」個名仲先過「車太鉉」,電影內戲份亦都以河正宇較多,呢位地獄使者之一嘅「江林隊長」,究竟係何方神聖?而家即刻同我現真身!

我爸是演員

ha-jung-woo-along-with-the-gods

河正宇,其實係藝名,佢真名叫金聖勳,老爸係資深演員金容健,以拍劇為主,例如《主君的太陽》、韓版《命中注定我愛你》,都係做啲大公司嘅有錢會長或爸爸,就連而家奇妙電視嘅《有品位的她》都有佢份。只不過河正宇最初發展果陣,一直對外隱瞞自己出身自演藝世家,所以改名換姓,直到佢拍金基德嘅《慾望的謊容》,先至有人知道佢嘅真名。

戲劇畢業

ha-jung-woo-along-with-the-gods

型佬河正宇喺中央大學戲劇電影學畢業,呢間大學可以話係韓國演藝人才嘅搖籃,好似金喜善、李英愛、李秉憲、金秀賢,都係呢度畢業。亦因為咁,河正宇出道以來拍過好多電影類型,愛情片、搞笑片、勵志片、驚悚片、災難片、間諜片、劇情片都拍過,《追擊者》扮殺手,喺《黃海》扮殺手之餘,又被另一名殺手追殺,戲路極闊。

陸軍出身演活軍人

ha-jung-woo-along-with-the-gods

入行之前,河正宇已經當過兵,經歷正牌陸軍嘅生活,亦可能因為咁,入行初期成日扮軍人,2005年演出《不可饒恕》亦係呢類題材,當年佢憑住呢部電影得到韓國電影評論協會新人獎。

演技大爆發

ha-jung-woo-along-with-the-gods

好戲唔係一朝一夕嘅事,河正宇嘅爆發點,可以話係十年前,當年拍《追擊者》獲得亞洲影評人協會獎最佳男主角獎。近年佢每年一部大片,《柏林諜變》、《復國者聯盟》、《下女誘罪》、《活埋35夜》,部部大片部部搶戲,來到《與神同行》,戲份比車太鉉更多更搶,周圍扮唔同角色追查真相,犀利。近年佢亦都多次靈洲區多個最佳男主角獎嘅肯定!

為人幽默

ha-jung-woo-along-with-the-gods

靚佬型仔又識演戲,如果有幽默感更加加分。之前同全智賢拍對手戲,宣傳時大叫自己好鐘意全智賢,今次拍《與神同行》,好幾個月不見天日、只係喺綠幕前拍戲,佢就形容自己:「之前好得閒,一個人去咗夏威夷,足足行咗260公里嘅路呀!」以幽默化解沉悶,勁!

演而優則導

ha-jung-woo-along-with-the-gods

有型大叔除咗識得演戲,佢仲曾經導演過兩部電影《繫緊你的安全帶》《許三觀》,目的係想用導演嘅角度了解電影,對佢做演員有更多嘅思考。呢份專業,邊度搵?

仲識畫畫

ha-jung-woo-along-with-the-gods

夠喇!型佬、搞笑,影帝、導演之外,原來河正宇仲係個畫家,開過好幾次畫展,真係想講句:「你玩晒啦!」佢曾經講過,畫畫係佢嘅生存方式,唔單止喜愛,仲能夠令佢靜落嚟,做番自己,唔再投入任何角色之內。仲仲仲仲要,佢畫得唔錯之餘,真係有人高價購買。喂呀,你玩晒啦!

每位地獄使者背後都有故事,未知下一步會否多加解釋。

《與神同行》絕美CG

與神同行

《與神同行》金容華導演曾參與製作中韓合拍片。他自掏腰包成立以特效技術為基礎的綜合性電影製作公司DEXTER STUDIOS,接下了《智取威虎山》、《封神傳奇》、《西遊記之孫悟空三打白骨精》等中國影片的特效工作。 2013年他執導的3D動作喜劇電影《大明猩》中,大猩猩靈靈是亞洲首個立體3D數碼角色,由300人技術團隊歷時4年開發,就算了毛髮、表情都精細逼真。

相片來源:W magazine 

好期待《與神同行》續集,想繼續睇oppa做好戲,就要留意河正宇的另一部電影《1987》,同樣煞食。

LOAD MORE