editing

新年見家長!十二星座女拍拖拜年必勝錦囊!

新年見家長!十二星座女拍拖拜年必勝錦囊!

一年一度農曆新年,等同情侶界年度盛事,因為「見家長」活動又展開啦!如果今年是你係第一次見家長,想在對方家人心中留下好印象,除了要留心人人通用的見家長10誡外,更要留心十二星座拜年的注意事項,立即打開錦囊,新年見家長包你無失手!


白羊女新年見家長:切忌衝口而出

白羊女新年見家長:切忌衝口而出

▲白羊女代表陳喬恩

白羊女熱情奔放,有時啲舉止又似個帶點儍氣,呢種充滿活力同可愛的個性,馬上氹得長輩們笑呵呵!不過,性情衝動嘅白羊女第一次見長輩時都要好好控制自己容易衝口而出嘅性格,切忌諗到乜就講乜,頂撞對方,尤其新正頭講錯嘢,長輩特別介懷啊。

金牛女新年見家長:改下自己硬頸嘅性格

金牛女新年見家長:改下自己硬頸嘅性格

▲金牛女代表唐詩詠

金牛女性格踏實平穩,長輩對你嘅第一印象未必特別深刻。如果想喺長輩心目中搏取高分數,金牛女不妨施展對美食嘅研究,送一盒至啱佢哋口味嘅賀年禮盒吖。但要留意對住長輩時,要改下自己硬頸嘅性格,以免拜年變開年呀!

雙子女新年見家長:小心無耐性

雙子女新年見家長:小心無耐性

▲雙子女代表容祖兒

善於溝通、口才了得嘅雙子女,當然最識氹一班老人家開心,機智聰明嘅佢哋仲好識得點樣打開話匣子,大談長輩都啱傾嘅話題。但若然撞正特別長嘅新年家庭聚會,雙子女會容易失去耐性,甚至不斷埋首玩電話——要記住對長輩嚟講,真係幾無禮貌。

巨蟹女新年見家長:別做怕醜女

巨蟹女新年見家長:別做怕醜女

▲巨蟹女代表梁洛施

熱愛家頭細務嘅巨蟹女,一上到男友屋企,好自然即刻安心融入家中,即刻主動幫伯母手。無論煮飯定洗碗,永無托手踭,而且仲做得相當妥當,伯母一定非常受落。不過面對一大班陌生長輩,巨蟹女難免會即刻變得靦腆怕醜,呢個moment,最緊要放鬆啲,對人大方笑下啦。

 

獅子女新年見家長:注意其他人感受

獅子女新年見家長:注意其他人感受

▲獅子女代表薛凱琪

見家長就好似喺一場show,獅子女就梗係會不斷向長輩們show off,分享佢哋嘅威水嘢。喺對方一堆親戚入面,獅子女都會輕易成為全場焦點。喺不斷講自己嘢嘅同時,都要留意自己會唔會講得太多,忽略其他人感受,同埋說話時嘅聲浪太嘈,都容易令人反感!

 

處女女新年見家長:唔好斤斤計較

處女女新年見家長:唔好斤斤計較  ▲處女女代表范冰冰

▲處女女代表范冰冰

繼巨蟹女,孝順嘅處女座都係非常樂意為人服務。斟茶遞水樣樣做足,點會唔討長輩歡心?但都要注意一啲細節,特別一旦牽涉同錢銀有關嘅事宜都要不拘小節啲,唔好暴露你斤斤計較嘅性情!

 

天秤女新年見家長:改善遲疑性格

天秤女新年見家長:改善遲疑性格

▲天秤女代表鄧麗欣

一見到外表端莊四正嘅天秤女,就算佢哋未開聲,長輩都會對佢留下好嘅第一印象。擅長交際又友善的天秤女喺呢啲場合可謂如魚得水,面面俱圓,非常識氹老人家開心。當長輩同天秤女寒暄,問起各方面問題時,不妨放下遲疑性格,大膽爽直啲分享想法啦。

 

天蠍女新年見家長:面對八卦長輩不要無言

天蠍女新年見家長:面對八卦長輩不要無言

▲天蠍女代表黃翠如

低調沉默嘅天蠍女,面對長輩時唔會有好多嘢講,但佢哋會用熱切行動嚟實證對長輩的關懷。不過長氣八卦嘅長輩可能會問多咗啲私人問題,令天蠍女適應唔嚟,甚至有啲反感,其實有時長輩都無惡意,唔出聲反而會令長輩誤會呢。

 

人馬女新年見家長:小心無規無矩

人馬女新年見家長:小心無規無矩

▲人馬女代表朱晨麗

最識氹人開心,有人馬女嘅地方即刻就可以炒熱氣氛,自然唔容易喺長輩流露緊張怕醜嘅一面。而且生性樂觀開心,人馬女嘅言行都冇機心,容易同全場打成一片。之但係太灑脫隨性都可能會令長輩覺得人馬女無規無矩!

 

山羊女新年見家長:忍一時風平浪靜

山羊女一般都好有長輩緣

▲山羊女代表王敏奕

山羊女一般都好有長輩緣,喺長輩眼中佢哋聽教聽話,言行舉止仲好謹慎,非常有禮貌。不過,鍾意凡事都管嘅山羊女,一旦反而畀長輩加把口去管佢哋嘅事時,就會容易嬲嬲,記得要忍......忍一時風平浪靜呀!

 

水瓶女新年見家長:留意言辭

水瓶女新年見家長:留意言辭

▲水瓶女代表黃心穎

水瓶女想法古靈精怪,就算遇上陌生長輩,都會可以大膽同場內長輩溝通,甚至以各式鬼主意嚟搏取對方一笑。若然接觸嘅長輩係比較保守,就要留意自己嘅言辭,會唔會有時講咗啲太過火嘅嘢,令對方覺得反叛。

 

雙魚女新年見家長:忌太天真、不踏實

雙魚女新年見家長:忌太天真、不踏實

▲雙魚女代表陳法拉

雙魚女品性善良,脾氣溫柔,可以容易同長輩相處。但小心應對長輩時,雙魚女會輕易同佢哋分享咗一啲心底嘅不切實際嘅理想諗法,令對方會有覺得妳太天真同唔踏實嘅感覺。

LOAD MORE