editing

【星座愛情配對】這六大星座情侶最易食愛情回頭草!

【星座愛情配對】這六大星座情侶最易食愛情回頭草!

踏入10月正值金星逆行,相信大家最近呢兩三個星期都聽過唔少情侶分手的消息,同時金逆都係重遇舊情人的高峯期!雖然話「好馬不吃回頭草」,但同舊情人重修舊好,其實都冇乜咁大不了啫;不過如果係以下呢三對星座的情侶,雙方關係就較易離離合合,即使嗌住話要分手,轉過頭翻撻的指數甚高!


金牛座 x 巨蟹座 = 愛是恆久忍耐

【星座愛情配對】這六大星座情侶最易食愛情回頭草!

▲巨蟹座代表:梁洛施

金牛與巨蟹呢對情侶組合得以長久的原因,係因為雙方對拍拖的目標相當一致:追求安全感、害怕改變的金牛往往所處於的情感及關係模式比較持久,因此對同一拍拖就追求成家立室的巨蟹而言,可謂一拍即合。金牛座對物質的執著,而且會為目標不斷默默耕耘的個性,可謂對顧家而且希望組織安穩家庭的巨蟹打下重要強心針。

【星座愛情配對】這六大星座情侶最易食愛情回頭草!

▲金牛座代表:唐詩詠

若然閣下自問或認識典型金牛座的朋友,應該都會認同金牛們本質上真係一隻「牛」,佢哋嗰種硬頸、萌塞、唔識變通,有時會令生性浪漫巨蟹的雙魚感到吃不消;然而執著過往的關係、珍惜回憶、戀舊的巨蟹從來都對舊事帶有一份戀棧,如果佢哋的金牛舊情人喺適當時間再出現,巨蟹心裡的「最佳位置」,都輕易可以容下多次second chance。

 

天蠍座 x 雙魚座 = 互相滿足強烈情感需求

【星座愛情配對】這六大星座情侶最易食愛情回頭草!

▲天蠍座代表:黃又南

一講到天蠍座,大家都會馬上諗起其「愛恨分明」的性格。天蠍座情人佔有慾強、情感強烈、 往往都會陷入充滿激情的關係。一向比較理智的天蠍,佢哋喺關係上的弱點,就係遇上感情同樣豐富、追求浪漫愛情的雙魚座型對手,而呢對情侶組合的關係中,無論肉體定心靈都會非常刺激。

 

【星座愛情配對】這六大星座情侶最易食愛情回頭草!

▲ 雙魚座代表:方力申

同雙魚座人士拍拖,好多人會嗤之以鼻,因為佢哋大多都好多情、愛活喺自己的幻想世界、想像力豐富;然而雙魚對「戀愛感覺」的深刻苛索,同埋以心靈滿足為本的個性都非常符合天蠍尋求情感上深層連結的需要。雙魚容易喺關係中迷失自我,沒有特定方式,因此好容易就會因為瑣碎事而嗌分手。

 

【星座愛情配對】這六大星座情侶最易食愛情回頭草!

▲ 雙魚座代表:伍詠薇

但如果天蠍仍然愛其雙魚情人,佢哋係可以包容呢種反覆的個性,歸根究底,死心眼的天蠍絕非easy come easy go之輩。不過如果天蠍認為互相的愛情魔法已經消失,sorry,佢哋會馬上為關係判死刑,無論如何都挽救唔到,唔可以起死回生架喇。

 

魔羯座 x 水瓶座 = 一剛一柔的互相克制

【星座愛情配對】這六大星座情侶最易食愛情回頭草!

▲ 魔羯座代表:高海寧

古靈精怪的水瓶座腦內最多鬼主意,對一個人所產生興趣,往往都係因為其內在美及智慧,多於受外表所吸引。情感上敏銳軟弱,因此如果同魔羯座拍拖,山羊嗰份安份守己、認真對待關係的取態,某程度上會為水瓶帶來信心。

 

【星座愛情配對】這六大星座情侶最易食愛情回頭草!

▲ 水瓶座代表:李心潔

不過水瓶座亦有時表現思維跳躍、感覺獨行獨往、多愁善感,呢啲情況都會令踏實同一向實際的魔羯座感到無所適從,出現愛情上的矛盾。但呢種根深蒂固的分別,好多時都會成為情侶們互相吸引的連繫特質。長遠來說,傾向流於思考、愛好柏拉圖式的水瓶座人士,如果碰上克制、成熟、穩定的魔羯座,水瓶座大概可以脫離「得個諗字」的習性,建構長久健康的關係。

 

LOAD MORE