editing

十二星座單身女過情人節:獅子女會送花畀自己!

十二星座單身女過情人節:獅子女會送花畀自己,水瓶女玩交友app脫單!

情人節將至,單身女又要自己一個過?對不同星座女生來說,有人覺得係「天塌落嚟」咁大件事,亦有人覺得單身情人節沒什麼好怕。如果你今個情人節沒情人相伴,你的反應會否如下?


單身白羊女過情人節:不甘寂寞

 坐唔定嘅單身白羊女,點會選擇係情人節選擇宅喺屋企度過呢?

▲白羊女代表劉心悠

坐唔定嘅單身白羊女,點會選擇係情人節選擇宅喺屋企度過呢?你會好大機會喺gym room搵到運動開嘅白羊女,繼續為自己嘅perfect body而努力;但對於不甘寂寞嘅白羊女,情人節當晚都會應該蠢蠢欲動,想搵SP約炮呢(嘿嘿)!

 

單身金牛女過情人節:對自己好啲或默默OT

遇上公司啲嘢多到做唔晒,金牛女都會選擇繼續默默OT

▲金牛女代表唐詩詠

金牛女要單身過情人節,唔會特別傷感,不過可能一時興起,追求品味享受嘅佢哋都會想喺呢一日對自己好啲,例如食餐好,又或者添置一兩件靚衫。但不幸地(或幸運地)今年情人節係星期四,遇上公司啲嘢多到做唔晒,金牛女都會選擇繼續默默OT。

 

單身雙子女過情人節:繼續flirt人,不愁寂寞!

單身雙子女過情人節:繼續flirt人,不愁寂寞!

▲雙子女代表佘詩曼

單身對雙子女而言,好多時都係個option。個性聰敏,人緣極好嘅佢哋向來不乏追求者,只係熱愛新鮮刺激嘅佢哋prefer停留喺flirting嘅階段。情人節當日,甚至有啲雙子女喺日頭仲諗緊嗰晚應該同邊個出街,總之佢哋一定不愁寂寞啦。

 

單身巨蟹女過情人節:返屋企,回憶昔日舊戀情

呢個時節會令佢哋不禁回想昔日嘅舊戀情,

▲巨蟹女代表梁洛施

落單嘅情人節晚上,巨蟹女最想返屋企,自己煮喜愛嘅晚餐,靜靜地一個過。多愁善感,戀棧回憶,呢個時節會令佢哋不禁回想昔日嘅舊戀情,同另一半曾經歷過嘅甜蜜片段。沉溺完一個晚上,巨蟹女要好好處理呢啲舊回憶,振作move forward!

 

單身獅子女過情人節:自己訂花送公司送畀自己

單身獅子女過情人節:自己訂花送公司送畀自己

▲獅子女代表薛凱琪

單身獅子女喺情人節呢一日嚟講,彷彿特別係一種罪過。為保面子嘅獅子女會不惜一切,維護喺其他人心目中唔愁無人追嘅形象,譬如自己訂花送公司送畀自己,或者假裝放工後有約。如果發覺有古怪,親你懂的,千祈唔好踢爆佢,唔係佢哋「樽鹽」就會灑到一地都係!(至於點解獅子女脫唔到單,可能是因為這幾個原因!)

 

單身處女女過情人節:無拖拍根本唔係問題

單身處女女過情人節:無拖拍根本唔係問題

▲處女女代表胡定欣

力求完美嘅態度同樣適用於處女座嘅擇偶情況。「來者不拒」根本唔會喺佢哋身上發生。不嬲習慣獨立自主,情人節無拖拍對佢哋來講根本唔係問題,因此佢哋唔會刻意在情人節花費金錢去送花畀自己,或刻意放縱自己......呢一日不過係一年365日內其中一日啫!

 

單身天秤女過情人節:call姊妹食飯飲嘢直落

單身天秤女過情人節:call姊妹食飯飲嘢直落

▲天秤女代表泳兒

邊個話情人節只可以同另一半過?雖然無情人,但天秤女都唔會想自己一個過。好彩佢哋有大把好朋友,一於情人節當日放工即刻call一班姊妹出嚟食飯飲嘢直落!話唔定喺呢啲社交場合,仲可以遇上下一位Mr. Right添。

單身天蠍女過情人節:不屑慶祝

單身天蠍女過情人節:不屑慶祝

▲天蠍女代表陳嘉桓

向來行蹤神秘,到底單身嘅天蠍座喺請人節會點過呢,應該係一個謎。不過習慣獨來獨往,其實天蠍座喺情人節呢日都唔會太介懷兩個人定獨自一人過;相反,佢哋會認為情人節呢啲咁節日咁俗套,就算有拖拍都不屑慶祝呢。

 

單身人馬女過情人節:來一趟快閃旅行

單身人馬女過情人節:來一趟快閃旅行

▲人馬女代表黃智雯
崇尚自由嘅人馬女就算有拖拍,平時都長期好似單身狀態咁,因為佢哋相信冇一個人可以綁住自己。要單身過情人節,雖然佢哋會觸景傷情,但若然有能力的話,應該都會選擇一走了之,可能嚟一趟快閃旅行,分分鐘發展出一段異國情緣。附上女生獨遊好去處推介,快點訂機票啦!

單身山羊女過情人節:工作係最好嘅麻醉

單身山羊女過情人節:工作係最好嘅麻醉

▲山羊女代表高海寧

從來甚少將愛情放喺第一位,山羊女就算自己單身過節,表面上睇落冇乜問題,但心底難掩一絲憂鬱唔開心,所以平時已經係工作狂嘅佢哋,喺當日會特別落力做嘢,甚至OT都在所不惜, 因為工作係最好嘅麻醉。

 

單身水瓶女過情人節:玩各類交友app

熱衷新科技嘅水瓶女如果今個情人節落單,

▲水瓶女代表李施嬅

熱衷新科技嘅水瓶女如果今個情人節落單,相信佢哋會積極透過各類交友app,自己上網搵男朋友。話雖如此,其實自己一個過節對佢哋嚟講又未至於世界末日嘅,畢竟佢哋都偏向相對抽離嘅關係模式,自己一個都可以好happy。

 

單身雙魚女過情人節:煲劇,沉醉喺豐富情感世界

單身雙魚女過情人節:煲劇,沉醉喺豐富情感世界

▲雙魚女代表陳法拉

奉行羅曼蒂克之道嘅雙魚女,情人節可謂佢哋最嚮往嘅節日,但自己竟然落單了,多少都會非常介懷。情人節當晚佢哋應該會及早將自己lock and seal喺屋企,開晒最煽情嘅中日韓劇,然後沉醉喺自己嘅豐富情感世界當中,眼淚當然在所難免。

(小編後記:其實單身有什麼好怕?一個人過情人節又有什麼好怕?不用偽裝「單身萬歲」來騙自己!)



LOAD MORE