曾嫌自己窮提出分手!林子善默默耕耘 用行動證明有幾愛老婆:想同佢行埋下半世嘅路

曾嫌自己窮提出分手!林子善默默耕耘 用行動證明有幾愛老婆:想同佢行埋下半世嘅路

有份做《果欄中的江湖大嫂》的林子善,於上年2月向拍拖5年的女友Kary求婚成功,籌備一年,今年4月3日筵開63席搞婚宴,仲搵黎星光熠熠兄弟團,迎娶老婆過門!林子善拍戲的古惑仔形象深入民心,現實卻是踏實健康男,專一一條心,是名寵妻達人,睇下佢有幾sweet!

By COSMO

1.高山低谷的愛情路

在《果欄中的江湖大嫂》中飾演蓆仔的林子善,心地善良、有情有義,現實中的他,都是好仔一名。35歲的林子善,老婆Kary形容他為外表we we wet wet,實則很有紀律、重視健康,是個顧家男。林子善非常勤力工作,為的是每一天進步,將更好的自己送給老婆。他既是TVB的皇牌綠葉,亦是持牌健身教練,最勁係坐擁4間茶餐廳,並有兩個物業揸手。

林子善形容自己思想負面,見證過娛樂圈種種三衰六旺,所以覺得現在擁有的東西是浮雲,冇乜安全感,有時覺得自己未有經濟能力照顧老婆。他甚至曾因這些負面思想,加上Kary家人的催婚,壓力爆煲,向Kary提出分手,叫對方諗吓自己係咪適合佢!分開一個月,林子善已經痛不欲生。幸得在《鐵馬尋橋》中飾演他妹妹而成好友的唐詩詠提醒,錯過就無得怨,要珍惜眼前人,所以即刻追番Kary返嚟。其實,Kary甚或其爸媽,唔係要子善大富大貴,只要愛惜Kary就得喇!

為了婚禮,林子善期間豪使近百萬,這亦成為他搵錢的動力,仲同Kary講:「你想點就點,幾多錢話我知!」一生人一次,最重要老婆嫁得開心!

2.摩天輪下承諾廝守終生

林子善大讚老婆有涵養,非常欣賞她,希望與她一直走下去。上年2月,子善在東京台場摩天輪下,化身Kary最愛的卡通人物阿拉丁燈神,並將廿萬鑽戒放在神燈中,跪地求婚,Kary即場感動爆喊。當日,天寒地凍,子善咁浪漫,為Kary創造夢幻時刻,sweet爆!

3.有傻人終成眷屬,一起踏上婚姻之路

林子善絕對係寵妻達人,二人在去年10月16日註冊結婚,post了一張鬼馬合照,相中子善坐在地上,被太太勾着鼻子走,喻意係聽晒老婆話,更放閃話:「20171016之上路,有傻人終成眷屬,一起踏上婚姻之路。」註冊日前一晚,其實子善通頂拍《果欄中的江湖大嫂》,不過就算幾忙,子善都遵守約定,抵錫!

4.馬爾代夫拍prewedding 騷健美身材

林子善和Kary早前專程飛到馬爾代夫拍攝婚紗照,陽光與海灘已經夠靚,子善仲大晒健美身材,一身健碩肌肉勁吸睛,不過他就打趣說:「請大家將注意力集中放在我漂亮的寶貝身上,在她身邊的男人只係窮到衫都冇得著而已!不需要有評論,我心裏她任何嘢都是最好的,正所謂『新人去影婚紗照,老婆要靚最緊要』!」把口甜到漏!

5.義氣仔女 星級兄弟團一呼百應

林子善戲裡戲外都係義氣仔女,所以圈中人緣特別好,兄弟團人選粒粒皆星,有袁偉豪做伴郎、唐詩詠反串做兄弟,及馬國明、鄭嘉穎、黃嘉樂及黃長興等組成兄弟團,重現《鐵馬尋橋》班底!Chok爆合照,型英帥靚正!

6.顧家好男人 買樓送給爸媽 又幫阿哥上車

女人最緊要嫁個好男人,從子善對家人的好,肯定Kary無嫁錯!當年林子善飾演周星馳的《喜劇之王》中「洪爺」一角而加入娛樂圈,可惜之後停滯不前,試過兩年來零工作、零收入,過著頹廢生活,打機度日,麻醉自己,靠家人接濟。直至08年受黃子華推薦演出《奸人堅》,才重投娛樂圈。隨後,子善脫胎換骨,凡事親力親為,同拍檔投資的龍鳳冰室,一間變四間,生意愈做愈大!

子善感恩家人在自己低潮時的支持,所以到現在有經濟能力,事業有起色,慳埋慳埋即買樓安頓父母,又幫哥哥買樓上車。正因為曾經捱過,對未來的計劃他想得周詳,他說現在目標是努力搵錢買樓,同太太組織幸福家庭。

LOAD MORE