李亞男宣佈懷孕、王祖藍做準爸爸！回顧二人成長記預測BB似邊個！

▲咁可愛嘅女仔，係祖藍呀！

睇睇王祖藍童年照，樣子同依家分別唔大。如果生女，應該同呢張童年照好似樣。

話說王祖藍樣貌酷似媽媽，基因遺傳超強。唔知BB會唔會同王媽媽有幾分相似呢？李亞男話以前試過發夢夢見奶奶，原因係老公同奶奶太似樣，將佢哋兩個混合咗。

生仔就...希望會似李亞男啦！因為亞男父母都算有貴氣，爸爸仲幾靚仔。

▲李亞男同王祖藍的高度至少相差半個頭。

至於高度，李亞男曾經喺電視節目表示，12歲時身高已經達170cm；而根據網上資料，王祖藍依家身高只有162cm，如果生女，身高無論似爸爸定媽媽都無所謂，但生仔就最好遺傳到李亞男的基因！

學業方面，王祖藍和李亞男都天資聰穎。祖藍曾大曬小學成績表，科科名列前茅，更獲全班第一；長大後以一級榮譽藝術學士畢業於香港演藝學院戲劇學院。