世紀復合無望?林志玲否認同言承旭拍拖 勉勵單身女性:「要活出自己的人生!」

世紀復合無望?林志玲否認同言承旭拍拖 勉勵單身女性:「要活出自己的人生!」

關於林志玲嘅傳聞最近滿天飛,先喺舊年11月被踢爆,同言承旭喺馬來西亞正式復合。今年二月,又突然宣佈暫定2月所有工作,令外界猜測林志玲懷孕所以安心養胎,不過經理人代答否認傳聞。直至早兩日,佢出席杜拜阿聯酋購物中心浪琴錶名品店嘅新店開幕剪綵,一次過解答晒所有問題。

by 情非得已

澄請四個傳聞

被問到同言承旭係咪世紀復合,佢用「四不」回應晒:「我沒有懷孕。」「我沒有結婚。」「我這個月沒去過峇里島。」「我現在沒有愛情。」換句話講,即係依家無同言承旭拍拖,亦都無BB。佢更再三保證無講大話:「真係無戀情!」各位粉絲,睇黎都大跌眼鏡了。

堅持真實愛情

回復單身,林志玲自然提及擇偶條件,環顧杜拜當地有唔少王儲同權貴,會唔會趁機物色吓對像呢?佢就答得得體:「我不會強求,我一貫也不是以金錢衡量愛情的人,我要真實的愛情。」

寄語單身女性

雖然外界一直以黎對林志玲都好多評價,各有好壞,但佢一直堅持自己想法,勉勵各位單身女性:「我跟每個女生一樣都希望有美好的婚姻;我們不能永遠活在他人的故事和劇本中,我們要活出自己的人生。」佢又談到年齡:「唔好因為年齡給自己壓力,每個人都會老,我希望我是有故事的女人,我絕不會把時間當敵人,我會把它當朋友。」佢希望自己打開心房,迎接新的愛情。

LOAD MORE