4個默契位！如何分辨他是否你的準情人

有啲男仔同你眉來眼去，感情似有還冇！
究竟呢個對象，係咪你準情人？

有啲男仔同你眉來眼去，感情似有還冇！
究竟呢個對象，係咪你準情人？

而你哋一旦一齊，又會唔會有好結果！
呢4個生活上嘅默契，可以幫你排解疑難！

1. 準情人的關懷

你有事，呢個人會唔會表現出緊張？
正常都會嘅！但你呢？

當佢有事，你會冇咩感覺，定同樣地緊張？
你究竟想唔想去關懷佢？

好多人，享受被追求嘅過程，只睇對方條件，有時連自己係咪真係鍾意佢，都搞唔清楚。

所謂戀愛，應該係互想關懷，
而非單方寵壞。

2. 消費模式看相處習慣

你可能覺得好少事，但其實性格嘅嘢係好微妙。

你覺得8達通自動增殖方便，佢覺得危險。
你鍾意用下apple pay，佢依然抗拒。

點樣對待新事物，都睇得出大家思想上，有冇大分別。

3. 一餐飯的前後左右

一餐飯，係一個微型旅行。
佢夠唔夠gentleman，你夠唔夠elegant，
食個飯就知。

而且有啲人愛話事，有啲講求彼此尊重。
刀叉之下，
如果你心中好多疑問：「點解佢會咁嘅？」

或者都暗示你哋嘅相處模式有一定落差。

4. Facebook newsfeed看緣分

你生日嘅時候，會唔會刻意close咗留言功能，唔想有啲「無意義」嘅Happy birthday？
其實一個Facebook，表現好多嘢。

可能你見個男仔少post 相，甚至唔post，亦知道佢大約最深層性格係點。
加上你見到佢share過啲咩，又可以諗下同自己夾唔夾。

當然啦，最後都係睇感覺。
或者呢個人同你所有嘢都相反，但偏偏，你哋可以互補體諒，完美地「登登登登」。