藍橘子專欄： 3大原因，一秒激嬲女朋友

有好多時候，同侶伴鬧交鬧到拆天。但隔咗幾日，雖然仲係好嬲對方，但當初點解會鬧交，已經唔記得咗。

因為女仔真正介意嘅唔係做咗一件咩事，而係件事發生咗之後，用咩態度去應對。藉口多多？推卸責任？定係死唔認錯呢？呢幾樣都係女仔最介意嘅態度。

有時候，女朋友向你呻返工有幾辛苦，隔籬位個同事有幾衰，你唔需要好似法官咁判決對與錯，諗都唔使諗企喺女友嗰邊就一定無錯！

無論喺「判斷」同埋「決策」，女性心目中都有好多把尺。用個好簡單嘅例子，Ａ餐廳套餐免費送凍飲４０蚊，梗係叫杯凍飲爽吓胃啦。但Ｂ餐廳套餐３７蚊，凍飲加３蚊，明明兩間價錢一樣，但死都唔會叫凍飲。