唔使籮籮孿 觀察舉動就知佢係咪動了真情

面對心儀男仔，想知對方係咪對自己有意思可以點？做女仔要有矜持，既不能問亦不能試探，如何是好？

失戀、單戀固然令人籮籮孿，求戀時期嘅曖昧階段同樣折磨，就算開始拍拖，亦會懷疑佢係咪對你真心。面對心儀男仔，想知對方係咪對自己有意思可以點？做女仔要有矜持，既不能問亦不能試探，如何是好？可以從以下幾個行為搵到蛛絲馬跡。

1. 每次叫佢幫忙做事，佢都會九秒九去做。

2. 會對你事事擔心，而且會好小心翼翼咁對你照顧到無微不至。

3.會令你覺得自己嘅說話好傻。

4.兩個人一齊時總佢會表現得好開心，朋友面前同樣表現得好活躍。

5. 好在乎你嘅一舉一動，啱啱開始拍拖時佢總會不其然流露出緊張嘅表現。

6. 會尊同徵求你嘅意見。

7.唔會急於提出性嘅要求，因為驚會嚇走你。

8.願意為你花費，會記得你嘅喜好同你講過嘅每句說話。

9.會為你流淚。

10.喺你感覺無助嘅時候會向你講一啲窩心嘅說話。

11.永遠將最好嘅都留俾你。

12.你病時佢會表現緊張，搵唔到你時會表現焦急。

13.會俾你融入佢嘅生活同朋友圈，甚至會俾你幫忙接電話，亦好樂於俾朋友認識你呢位女朋友。

14.外人面前，會維護你嘅自尊心。

15.少說話多做事，經常為你做窩心小事例如落雨會為你送上雨遮，仲會講「小心淋濕」。

16.你哋有講唔完嘅話題，喺你面前佢總會好似一隻開籠雀。

17.你難過時，佢會第一時間飛撲去你身邊攬住你，安慰你。

18.會為你好好計劃未來。

19.會為你哋嘅未來而奮鬥。