editing

藍橘子專欄:當弟弟係奴隸,當妹妹係玩具?有哥哥一定撒嬌

藍橘子專欄:當弟弟係奴隸,當妹妹係玩具?有哥哥一定撒嬌

好多人都話,獨生子係家中之寶,獨生女都如珠如寶。但當家中有兄弟姊妹誕生,作為(姊/妹),成個童年都會有180度轉變。有時好想問一句:「阿爸阿媽!你當我係咩啊?!」

by 藍橘子

1)有弟弟出現,父母眼中女兒一秒變大人

love-family-siblings-sisters-brothers-one-child

當家中有一個弟弟出現,本來係獨生女,搖身一變成為家姐。喺父母眼中,亦會立即變大人,無論發生咩事,無論當時你幾多歲,父母都會話:「你係大家姐喇,好好照顧弟弟!」

從此,就算你得8歲,父母都會當你大人看待,完全失去父母呵護。不過咁,當父母唔喺度,復仇心嚟料,做家姐嘅一定會當弟弟係奴隸咁使喚。「喂!斟杯水嚟吖~」「幫家姐開風扇唔該~」

2)有妹妹出現,就等如多件玩具

love-family-siblings-sisters-brothers-one-child

當家中有一個妹妹,你升級做大家姐。喺你眼中,妹妹係一件玩具,你好想幫佢扮靚,著你啲舊衫,陪你一齊玩,一舉一動都要跟足你指示做。

love-family-siblings-sisters-brothers-one-child

如果妹妹有咩唔滿意,你就會立即擺出一個大家姐架勢,同佢講「我先係家姐,我話事!」「鬼叫你遲出世過我啊?!」會係全世界做家姐嘅口頭禪。

3)有哥哥出現,撒嬌能力發揮到極限

love-family-siblings-sisters-brothers-one-child-Harper-Beckham

當家中有一個哥哥出現,做妹妹嘅你,心裡希望哥哥同自己相距年齡愈大愈好。有咩功課唔識會問哥哥,有咩禮物想要,會問哥哥。總言之,生活上有咩需求都會問哥哥。

love-family-siblings-sisters-brothers-one-child-Harper-Beckham

有咩要求,就會大叫:「你係阿哥嚟㗎!錫吓個妹妹啦!」嚟搶奪主控權。如果一個屋企,兩兄妹係同一間房訓,幾乎70%空間都會係屬於妹妹,包括書枱。

4)有姊姊出現,只想做返自己

love-family-siblings-sisters-brothers-one-child-hadids

頭先都提及過,喺家姐眼中,妹妹只係一件玩具。但身為妹妹嘅你,當然唔想任人擺佈,相比起著家姐嘅舊衫,玩佢嘅舊玩具,妹妹更想有自己一套。

LOAD MORE