feature

戀愛潛規則!絕對不要答應男人的 4 個要求

戀愛潛規則!絕對不要答應男人的 4 個要求

近日姊妹失戀,佢係對男朋友千依百順的類型,男友講咩佢就做咩,但為佢傾盡一切之後,男朋友竟然覺得佢無性格無挑戰性而另結新歡,令佢深受打擊。其實鍾意一個人,唔一定要千依百順先討人歡喜,就好似以下呢四個要求,千萬不要跟住做!唔鍾意的記得要適當Say No啊。

by Cosmo

近日姊妹失戀,佢係對男朋友千依百順的類型,男友講咩佢就做咩,但為佢傾盡一切之後,男朋友竟然覺得佢無性格無挑戰性而另結新歡,令佢深受打擊。其實鍾意一個人,唔一定要千依百順先討人歡喜,就好似以下呢四個要求,千萬不要跟住做!唔鍾意的記得要適當Say No啊。

無底線的性行為

love-rules-say-no-woman-man-couple-boyfriend-girlfriend-principles

聰明的女人懂得保護自己既身體,當男人有需要時對妳做出表示,而當你覺得唔想既時候就可以直接Say No,或者當男人某些行為觸碰到你底線,例如唔用安全套進行性行為或者玩一D你接受唔到的變態遊戲,只要你認為唔舒服,唔好為左討好對方而委屈自己,記得堅決Say No,話比對方知你嘅底線。真心鍾意你嘅男人會懂得尊重你嘅意願,而佢地都會認為懂得表達自己既女人更具吸引力。

放棄打扮自己

love-rules-say-no-woman-man-couple-boyfriend-girlfriend-principles

熱戀時,對方可能會認為無論你打唔打扮或者點樣打扮,喺佢心目中都係咁靚,所以你哋出街嘅時候,佢要求你可以做返自己。但係呢句說話你聽下就好啦,千祈唔好因為男人嘅呢類說話而放棄打扮自己。如果你因為同佢一齊日子耐左而日久失修,變到人老珠黃,咁最後唔抵嘅只係你自己。佢可能一開始只係唔想等你咁耐或者想氹下你開心先咁講,但係無男人會想拖住個黃面婆出街架!

為佢放棄事業

love-rules-say-no-woman-man-couple-boyfriend-girlfriend-principles

佢可能會話番工辛苦咪唔好做,佢會養你,當你聽到呢句真係覺得好man啊,但係都係聽下好喇。現代既女人最好都係有自己既事業,即使你婚後係做少奶奶,唔需要賺錢養家都好,但係你都要保持自己興趣,或者做下小本生意或投資。女人,緊係自己有個揸拿比較好,唔需要靠男人都可以自立,總比成為男人既負累更好!

放棄社交圈子

love-rules-say-no-woman-man-couple-boyfriend-girlfriend-principles

無論你結婚生仔之後都好,女人都係需要有自己既朋友圈子,唔可以男人為中心。有幾個咩都可以分享既姊妹閨蜜,就算係普通男性朋友都可以保持聯絡,唔需要因為自己有男朋友或另一半而可以斷絕跟朋友既來往既。有d佔有慾強既大男人會要求你跟異性朋友斷絕來往,你可以適當調節,但千萬唔好因為佢而截斷曬所有圈子呢。

Getty Images

LOAD MORE