當然都有女生佻皮地話，富二代有錢供養自己，既然他非真心，咁當然照殺，然後用筆錢再補貼專一的軟飯王啦。答案並無對錯，睇你點解話！
2. 自己做第三者 VS 老公出軌？
人人都鬧小三可恥，替正印可憐。但真係要你二選一，你寧願擔當咩角色？正室背負家庭責任與親友閒言閒語，面對老公偷食，不捨得放手，害怕婚姻失敗。
小三雖然是眾矢之的，但要抽身絕對比正室更易。而且搶到人哋男友/老公，證明你更有魅力。面對兩種身份，你會堅守愛情底線，寧做正印，勇敢面對婚姻失敗，抑或漠視世人目光，勇敢去愛？
3. 另一半在早上是彭于晏，晚上變八兩金，抑或掉轉？
請「彭太太們」對號入座！如果老公日夜身份會掉轉，你接受到早上是彭生或是八兩金呢？有人揀早上是彭生，帶出去同姊妹威威都sweet爆燈，至於晚上愛愛？熄燈搞掂，有乜所謂？
也有女生不能接受跟外形沒好感的男人交歡。帶出去見人都係為面子，享受性愛比面子更重要，還是倒轉好些。你同意嗎？
4. 型仔但性無能 VS 地中海、醜樣但有性能力
先勿論性無能原因，呢個話題，好多閨密都意見分歧。小編問過不同年齡層的女生，年紀偏少，愛情/性經驗尚淺的女生大多選擇前者，覺得無性愛也不是大問題，但對外表絕不能將就。
愛情經驗豐富的，就覺得性愛很重要，地中海咋嘛，植髮、剃光頭，都一樣可以好靚仔。你點睇呢？
5. 假如你已40歲，20歲小鮮肉 VS 60歲老男人？
人到中年，到或你接受母子戀抑或是父女戀？小鮮肉雖則可口，但唔成熟，而且經濟未穩定，但成功吸引到弟弟鍾愛，你都魅力沒法擋。
父女戀挑戰多，但60歲老男人夠晒成熟，喺政府眼中都係壯年，不過你同佢一齊嘅日子就相對較短。遇上兩個都咁愛你、你又情不自禁的男人，你會點抉擇呢？
