見家長攻略2.拜年絕不能兩手空空
新年拜年見家長，絕不能兩手空空，買些新年禮物如海味、高級水果一定無錯。唔識揀至靚嘅唔緊要，講的都係一份心意。不過就唔好買太貴重的禮物如名牌貨，以免世伯伯母以為你太揮霍，唔識知慳識儉。
見家長攻略3. 忌即場拆利是/因金額少而黑面
跟朋友分享以往拜年見家長經歷，原來有啲世伯伯母比較大手筆，利是金額會同寶貝仔女睇齊，分分鐘有4位數！當然利是多少只是聊表心意，不代表對方對你的鍾意程度，你都唔好在別人家中立即拆利是窺探金額及變臉！
見家長攻略4. 少說話多微笑
新年見家長，可能會見晒伴侶的大家庭，上至婆婆公公、爺爺奶奶，下至三姑六婆及表親。初次見面記唔晒啲名唔緊要，可以跟另一半叫，或者用Auntie Uncle稱呼，少說話，多微笑，不求留下超難忘印象，但求對有好感就夠。
見家長攻略5. 感謝伯母的飯菜準備
當另一半的家中拜年時，記得稱讚伯母的廚藝。當然，不要帶着假面具讚，可以着重其中一、兩道你喜歡的菜式作正面評價，顯得較真誠。另外吃飯時不要主攻一道菜，例如夾晒啲雞，又唔食菜，影響人家對你的觀感。
見家長攻略6. 留意飯桌禮儀
有個常見的情況，女生只吃一兩口飯，便跟對方家長說因減肥而不吃飯。人家為在新年為人準備多道菜式歡迎你，卻被你破壞了興致，覺得你唔俾面，自然印象較差。如果有其他原因，例如食物敏感，就應及早出聲，免得被人誤會。
見家長攻略7. 唔好掛住Selfie
同另一半及家人經過商場，看到靚靚新年裝飾，自然不自覺地想打卡呃like。不過，在對方家人面前，就應該先主動為他們一家拍照，可顯得較為體貼懂事。
見家長攻略8. 打麻將時牌品很重要！
新年聚會最興打麻將，如果你初次跟對方家人一起打麻將，對方就會很留意你的牌品。除了適時鬆章，遇上差牌面時要注意言行及語氣，別因一舖牌令世伯母對你的印象變差！
見家長攻略9. 忌說不吉利說話
新年大忌：死死聲。尤其在迷信的長輩面前，都要小心言行，講錯說話令人行衰運，今次你就真係「死啦！」
見家長攻略10. 別過份曬恩愛
平時跟男友一起時不時會錫錫攬攬？在家長面前就要避忌一點，別過份曬恩愛，以免顯得你隨便及不尊重在場人士。
