TVB劇集《BB來了》掀起全城熱話，當中李佳芯飾演的新抱及盧苑茵飾演的極品奶奶，存在極多婆媳糾紛，每集都會爆發衝突，劇情猶如真實情況，引來唔少新抱的共鳴。現實中婆媳關係的確好難搞，但唔代表所有奶奶同新抱都有衝突。
立即盤點圈中四位星級奶奶，睇睇佢哋同新抱仔的相處之道，話你知世上都有好奶奶同好新抱！
登入 瀏覽本網站，可獲取積分換領專屬優惠
相比起《BB來了》，李佳芯同黎諾懿「先斬後奏」結婚，無提早取得奶奶同意，又唔擺酒，當然惹來奶奶不滿。而家燕姐娶新抱，仔仔同新抱非常配合，先應媽媽要求豪擺過百圍，夠晒面子；之後搞多場wedding party招呼好友，母親大人當然滿意。而家燕姐喺過大禮時更跟足傳統，好有體面；佢更為Zoe送上五層巨形金豬牌及傳家之寶，非常豪氣。
《BB來了》一劇中，李佳芯唔想住奶奶樓下，深怕被奶奶監視無晒自由，又唔想奶奶入侵二人世界兼搶走BB。現實中，家燕姐豪擲2000萬送層樓俾囝囝Jackson及新抱Zoe，好大手筆。而新居正好在家燕姐隔離，成日都會返屋企食飯，又有二人世界空間，家燕姐成日見到囝囝，自然唔覺得新抱搶走囝囝，婆媳關係都好啲。
朱玲玲
在《BB來了》中飾奶奶的盧苑茵，一直恨抱孫，但新抱李佳芯卻以事業為先，若非意外懷孕，奶奶定必無孫抱。至於現實中，一早從最美麗港姐搖身一變成最美麗奶奶的朱玲玲，雖則有講過恨抱孫，但一直給兒子霍啟剛及郭晶晶很大自由度。當然嫁入豪門的新抱郭晶晶亦好識做，生夠一對「好」字滿足奶奶，嚟緊仲想生多一個，好新抱當之無愧。
朱咪咪
朱咪咪大仔於2017年與馬拉女友結婚，咪咪姐榮升奶奶。佢曾大讚新抱人品好兼有禮，加上咪咪姐本身都係個大笑姑婆，有佢帶起家庭氣氛，相信呢個奶奶唔難相處。
陳寶珠
陳寶珠兒子楊天經2011年與吳文珊結婚，寶珠姐已經非常痛錫新抱仔，唔單止豪花百萬做賀禮，更將楊天經的婆婆同嫲嫲傳下來的首飾都送俾新抱，是100分奶奶。
最近寶珠姐新抱更與馬浚偉合作主演舞台劇《偶然‧徐志摩》，得奶奶及老公撐場及探班，非常幸福！
立即訂閱接收Cosmo最新潮流資訊
訂閱電子報，獲得更多資訊、體驗及禮遇