Jason：一日未結婚，一日都未Game Over
朋友知道Jason暗撻人哋女朋友，唔想佢做人第三者，試過勸說：「喂，佢同個男朋友好多年啦喎，你仲搞人哋？」Jason認為，愛情無分先後：「一日未結婚都未game over，況且大把人結咗婚都離婚啦。」
肯做「第三者」，可能未係夠好愛佢
所謂「男人唔壞，女人唔愛」，偷食的刺激感，男女一樣享受。小編問Jason，點解當初可以接受女方一腳踏兩船，唔要求對方分手，他續說：「可能未係夠好愛佢，所以冇強烈的佔有慾。」原來，肯做「第三者」，唔一定你愛對方愛到死，只係未係好愛佢。
「第三者」男人Kenny：做第三者只因誤踩地雷
Kenny前幾年一個人去旅行，遇著一個當地女仔搭訕。見大家都好傾，於是決定相約一齊去玩。Kenny一向好好仔，就算覺得同對方有機會發展，都反覆問咗幾次對方係咪單身，對方給肯定的答案，先決定一齊。
Kenny：以為Long D 戀，點知做咗第三者
旅行途中，Kenny與女方飲大咗兩杯，發生埋關係。如是者Long D的愛情生活開始咗一個月左右。Kenny某日在Facebook 無意中發現，原來所謂的女朋友早幾年已經結婚，而她透露給Kenny的名字，原來係佢老公的姓氏…
男人做第三者之苦
傷心、被欺騙之類的感覺，統統都出現在Z的心中，當發現自己成為了第三者，Kenny即時斬纜。不過，事情發生超過一年，他仍然唔敢拍拖。對於「被成為」第三者，Kenny都仲係耿耿於懷….
Kelvin 發現女友偷食：絕對唔容許！
不同於女生，大多數男人自尊心都好重，對有第三者的存在，男人係唔會視而不見。Kelvin發現前女友偷食，絕對唔容許自己的女友被另一個男人瓜分。他立即要求當時的女友做決定。結果前女友拖拖拉拉，唯有他做決定，提出分手。Kelvin：「無邊個男人接受到女友有第二個！」
