常言道，煩擾男人的話題，不外乎錢同女人。筆者作為男人，嗯，呢個描述partly correct啦。如果講到男人講女人的話題，其實大部分都係女人不宜。所以，如果你唔想影響你同男友的關係，實際內容都係唔知好過知啦。不過又好想八卦下有咩話題？以下幾個大範疇，都係大Topic。
登入 瀏覽本網站，可獲取積分換領專屬優惠
點擊查看專屬優惠
1. 男人間會討論AV女優；睇邊套AV！
Adult Video—成人電影。傾AV，當然由女優名著手，三上悠亞、吉澤明步，呢幾個名連女生都可能聽過，咁就當然唔會走得甩；然後就到片種(千祈唔好講咩套套AV都差唔多，其實可以填滿男人對性的好多幻想同空間)，重點可能係大胸、腳、師生戀之類。
好啦，到咗交換情報啦。講真好難用文字形容邊位AV女優在邊套AV有咩好正的表現。所以，最直接就梗係搵Seed啦！又唔識日文，點搵得啱呢？其實係好似買股票一樣，俾到冧把的。舉個例，SSNI-388, ABP-829，唔明？自己研究下啦～
所以，如果見到另一半同兄弟的WhatsApp 有呢啲摩斯密碼，好可能就係討論AV中！
2. IG 女神也是男人間的熱話！
除左AV咁hardcore，IG世界咁大，softcore erotic items 都一定會傾下。呢樣可能男生之間，傾得會比AV更加頻繁，因為開心Share 起上嚟，冇咁尷尬嘛。交換吓username，慢慢欣賞啦。
3. 賤男會討論自己女友的床上表現
當筆者聽到朋友特登落Pub傾呢個話題，都有啲意外。
「尋晚我囡囡一邊搞一邊問我佢背滑唔滑...」
「呢排唔知做咩，囡囡好大食。嚟左一次之後仲想要，係咁用手想chok返醒我…」
無錯，係會有啲賤男公然討論同另一半的床上表現，話題尺度大得令人意外。好啦，為左篇文出到街，唔再舉例啦。希望你唔會遇上呢種男人。
4. 男人一定講女友的好姊妹是非
男女都好，對另一半的密友只可以持兩個態度，一係就好鍾意(係啊，有愛意嗰種，有機出軌嗰種啊！)一係就好唔鍾意，永無中間。男人總係會覺得，好姊妹會從旁落毒，會破壞兩人關係。而喺女友面前，投訴她的好姊妹都一定唔會被接納，咁就唯有同兄弟講下是非、發洩吓就算啦。
5. 男朋友會分享女友的生活習慣
呢樣就基本啦。由衣著品味、到性格習慣甚至言談，觀察下都會在男人間講。不過咁，同男人講得而又唔想你知嘅，十件有十一樣都係壞事啦。如果係好事，一早就兜口兜面出聲讚你啦BBG~
立即訂閱接收Cosmo最新潮流資訊
訂閱電子報，獲得更多資訊、體驗及禮遇