feature

第三者出沒注意!5大工作環境 最易令男朋友一腳踏兩船!

第三者出沒注意!5大工作環境 最易令男朋友一腳踏兩船!

當有第三者出現,女人都好鍾意反覆問自己:「點解佢要偷食?第三者有咩好?我有咩比唔上小三?」其實,另一半一腳踏兩船,未必因為你唔好,也不一定是感情不夠堅固,而是工作職場上有太多機會引誘他出軌,或製造機會給第三者!

by COSMO

1. 工作上需要多應酬的人 易招第三者纏身!

1. 工作上需要多應酬的人 易招第三者纏身!

公關、推銷、創業等人士,唔止因為接觸人多,面對不同性質、性格的異性機會大增,仲因為佢哋擅於吹噓、散發個人魅力,容易吸引異性愛慕。而且呢幾種人應酬多,工作無定時,經常活於花花世界中,心思思想偷食、一夜情或收埋個第三者都非常容易,當另一半有所懷疑時,一句「要應酬客人」、「佢係我個客」便可打發。另一半信唔信,視乎你的直覺,同埋有幾想呃自己。

2. 男人圈工作 出現第三者機會更大!

2. 男人圈工作 出現第三者機會更大!

你以為另一半的工作圈子清一色全男班,就無嘢好驚?正好相反!第三者出現機率大增!尤其消防員、海關、警察等紀律部隊,全男班收工後happy hour 鬆一鬆,得閒北上花天酒地識女仔,friend 搭friend 識女仔,好平常!而且部分紀律部隊如消防員,每返一日工就有連續2日的例假,假期多過你,相處機會又少,想收埋個第三者,易過登天。

 

3. 工時長、容易悶!辦公室小三現身!

3. 工時長、容易悶!辦公室小三現身!

身邊有種朋友經常唔覺意做人第三者,好彩一發現立即抽身!筆者這種朋友從事工時長的工作,例如醫生、護士。因為值班時間日夜顛倒,未見成日可以見到另一半,長時間留在醫院內,可以偷食的對象當然就是同事!同時因為醫護人員會有調部門的機會,有心玩曖昧或一腳踏兩船,實在唔難!如果你或者另一半也是從事輪班、工時長的工作,就要小心提防了!

 

4. 因工作而Long D戀!第三者防不勝防

4. 因工作而Long D戀!第三者防不勝防

最易出現第三者而自己也不知曉的情況,就是Long D(異地戀)。無他,只因你唔喺佢身邊,另一半身痕思思想搵人陪,剛好生活圈子中有個看得上的對象,便抱住玩玩下的心態,反正你又未必知。如果你問Long D點先發現對方有一腳踏兩船,其實好難,除了學識玩機心給予對方安全感外,可能就要留意多D對方的社交動態。不過講到尾都係靠個信字,畢竟維繫一段感情全憑互信。

 

5. 經常出trip/中港兩邊走,是收埋小三的好時機!

5. 經常出trip/中港兩邊走,是收埋小三的好時機!

即使唔係Long D,但因出差而常常分隔兩地的情侶,都好易製造機會俾第三者!你未必知對方北上/異地的工作及生活環境;同樣,第三者也未必知自己就是感情破壞者。加上,內地女生好識氹人,比港女溫柔嬌嗲,能俘虜男人心絕不出奇。要擊退第三者,一味靠惡係唔得嘅,你都要避免成為男人討厭的女朋友,先至可以鎖實男人心!

LOAD MORE