第一次同未來奶奶拜年,點至唔會一鋪被DQ?

第一次同未來奶奶拜年,點至唔會一鋪被DQ?

新年流流同你BB豬嘅屋企人拜年,當然心花放,因為代表你們相方關係已經confirmed。之不過,第一次大時大節「覲見」皇阿媽,亦即係你未來奶奶,從預備禮物至登門入屋拜年,有些你並不為意嘅細節,可能會搞到未來奶奶黑面甚至DQ你收場。唔想令原本開開心心拜年事件,變成尷尷尬尬DQ風波,以下免被DQ的3道金牌,你要知!

by 趣趣子

未來奶奶

俗語有話:外母見女婿,口水嗲嗲渧;但係,未來奶奶見未來媳婦,當兩個唔同年代唔同背景嘅女人相遇時,情況,分分鐘大不同。
帶住一顆待嫁的心去見未來奶奶嘅「絲打」,有些事,你們必須要上心;否則,遭到未來奶奶DQ,紅牌出場!無人幫到你。

未來奶奶

免被未來奶奶DQ金牌01:識送禮

拜年帶備禮物見家長,是基本禮儀;不少絲士打以為,這份賀年禮物愈貴重,就愈顯得你對未來奶奶及其一家人,夠尊重;於是,為博未紅顏一笑,使多少少錢,值得!
Hold on!除非你是凱特Kate Middleton或者梅根Meghan Markle 2.0,你的BB豬是真的假不了嘅王室後裔,或者見慣食慣用慣好嘢富二、三代;否則,生於小康之家的他的背後的那位皇阿媽,對於你送上大品牌貴重厚禮,唔單止unlike,更會引起她對你「持家無道」之質疑與控訴! 點解?

未來奶奶

因為,她會馬上聯想到:日後如讓你「入宮」,使費開支由佢個寶貝仔俾時,你呢種貪威識食、揮霍無度嘅港女,肯定榨乾榨淨阿仔個荷包!
所以,作為擁有一雙精明眼的好媽媽,為兒子未來的人生「錢」景着想,她大可能費煞思量叮囑他,要幾經三思,而後考慮俾唔俾你嫁入門。
不過,你又千祈千祈千祈⋯⋯唔好帶那些在平日廣告中,見慣見熟嘅禮物去拜年;因為,未來奶奶可能又會覺得你:交行貨!欠誠意!是是但但想過關!
所以,最穩障做法,是事先向你的他打聽一下,媽媽平時最鐘意食甚麼,那麼,第一道入屋的免DQ金牌,應可袋袋平安。

未來奶奶

免被未來奶奶DQ金牌02:咪放閃

陰謀論:每一個阿媽面對未來新抱時,都可能有這樣的恐慌性潛台詞:「如果有了老婆,老媽就會冇定企!」
所以,就算你和他平時如何黏到實一實,請在跟未來奶奶首次拜年的重要關口,停一停,別放閃!別作出太親密的舉動,以及,謹記:唔好俾男友全場服侍你!(起碼唔好俾皇阿媽當場發現,逮個正着!)

未來奶奶

別以為,我哋咁愛對方,真情流露,攬吓鍚吓放吓閃,有咩出奇?!如果唔係,做人好假啫!
這種無遮無掩做回自己的真性情,確可貴!可是,亦是種下往後婆媳關係煩惱之禍根。
因為,「新抱係來搶走自己個仔」的霧霾,原來是大多數未來奶奶隱藏在內心深處的X-File⋯⋯
總之,小不忍,則亂大謀啊,絲打們!別讓未來奶奶成為憤怒的鳥!

未來奶奶

免被未來奶奶DQ金牌03:Show「食」力

拜年時,飲飲食食,是指定動作,皆因這是中國傳統的好客之道,尤其在未來奶奶「煮」場,要獲免DQ金牌,首先是讚她廚藝了得,但謹記不能讚得太浮誇,然後,馬上向她請教下廚竅門。
相信,任何人,不論男女,被人讚以及被懇請賜教的光環,必定冧爆。
如是者,你可登堂入室的特許金牌,將袋得穩了。

未來奶奶

以未來媳婦這身份去拜年的絲打,在飲飲食食這一關,還有一非常重要reminder:(特別要提醒趕急好想好想⋯⋯減肥keep fit的絲士打們)
千萬不要在未來奶奶盛意拳拳為你夾餸的moment,電光光石回應她:
「唔使啦,aunite,我飽喇!」
「我夠啦,食唔落喇!」
在未來奶奶的字典裏,這會解作:「哦,即係我煮嘅嘢,好難食啦?!」、「即係你嫌我唔識揀你鍾意食嘅嘢啦~」
 正所謂,言者無心,聽者有意;身為絲打,我哋好明白,亦很了解和體會,大家正在唱着:「如果你知我苦衷⋯⋯」但未來皇阿媽分分鐘有另一解讀。

未來奶奶

最後溫馨小提示:

你將來都有機會成為人家的未來奶奶、皇阿媽;所以,將心俾己,很多時,行多一步,世界就會更wonderful!

LOAD MORE