王貽興專欄：網民齊聲討，從30日婚變challenge看出老婆中的極品

兩個人若是仍然甜蜜依舊恩愛，根本不需要刻意提醒或者發掘對方優點。

這些發掘對方優點並且開聲提點的伎倆，通常是兩人已經相對無言，再無感覺，甚至見你後面憎你前面，不想跟對方呼吸同一空間的空氣，已經去到面對婚姻輔導的地步，專員才會提出這些小遊戲讓兩人重新記起久違的美好⋯⋯

整天把家事拿出來講，兩個人雞毛蒜皮無聊小事都對外公開，一時怪責老公工作的客人打電話來白撞咪再阻住晒，一時又數臭丈夫呢樣果樣，咁樣真係幫到個男人，令到大家關係好咩？

定還是咁樣係愛一個人既表現？真係架？點解既？

當事人自創的婚變叉能廚玩完30日就如常生活，可憐那個男人卻是自從娶了這個倒米老婆後，每天也是地獄婚變叉能廚，日日道氣都畀人叉住⋯⋯

當連那些港媽圍爐討論區都齊聲數落這個女人做人老婆唔ok，女人唔應該係咁，如果我有個咁既家嫂我應該一巴巴煎死佢，你就該知道，盜亦有道。