為愛情急救！4招教你挽留男人的心

「逝去感情如何留得住~~~」除咗係歌詞，其實都講中唔少情侶嘅心聲。
發現另一半冷淡咗？對佢失去咗熱情？甚至鬧大交要分手？感情如一條雞筋，食之無味，棄之可惜，咁可以點算好？醒你以下四招，幫你嘅愛情急一急救。

1. 暫時分開

啱啱鬧完交，或者感情淡咗，負能量自然多。呢個時候雖然好想搵對方，但切記要忍住，keep住煩佢只會惹嚟反感。反而暫時分開一下，give love a break，對方先會感受到你嘅重要。

2.自我增值

暫時分開之後，多咗時間，自然係要自我增值。例如去做gym；或者學吓琴棋書畫；讓自己成為更好嘅人。咁樣除咗keep住顏值，如果再見，之後仲可以比到對方新鮮感。

3.展示實力

叫你唔搵對方住，但唔代表完全係對方嘅圈子消失。如果有自我增值，不妨係社交平台打吓卡，或者有意無意係雙方嘅朋友圈入面放風，比佢知道你嘅進步同改變，男人，受軟唔受硬，要自然D！

4.重新開始

最後一招，係最重要。除咗一貫嘅挽留，不如提議重新開始。除咗肉體美色相伴，不妨講D深入嘅topics，比對方知你嘅價值觀，如果呢方面係夾，好大機會救到段感情。