feature

【雙11 2018】回顧明星光棍節曬恩愛,閃盲單身狗!

【雙11 2018】回顧明星光棍節曬恩愛,閃盲單身狗!

一年一度嘅光棍節,11月11日雙11呢個節日唔知你又有咩做呢?雙11除咗上網瘋狂淘寶購物慶祝單身萬歲之外,原來有唔少人都選擇喺呢一日放閃哂恩愛,當中唔少仲係明星黎架!如果想喺11.11光棍節放閃光彈,不妨參考一下佢哋嘅做法,然後閃盲哂身邊嘅人啦!

by COSMO

閃光彈初班:發佈甜蜜合照

【雙11 2018】明星光棍節曬恩愛,閃盲單身狗!

如果想喺光棍節呢日放閃,簡簡單單嘅做法就係post同另一半影嘅合照,閃死朋友圈。阿嬌鍾欣潼都選擇咗喺呢一日首度發放同「醫界王陽明」賴弘國嘅情侶合照!

【雙11 2018】明星光棍節曬恩愛,閃盲單身狗!

相中可見二人身穿休閒服飾,於日落時分喺海邊影相。第一張見到二人十指緊扣遙望前方;另一張就見到阿嬌小鳥依人咁挨咗喺賴弘國胸膛,二人更攬腰曬恩愛,兩張相都sweet到爆!阿嬌喺光棍節呢一日首度公開情侶,粉絲們都好開心感動,更紛紛送上祝福,希望二人要永遠幸福唷!

閃光彈中班::宣布喜訊

【雙11 2018】明星光棍節曬恩愛,閃盲單身狗!

如果覺得齋發情侶相太BB級無咩挑戰性,不妨參考吓王菀之嘅做法,就係喺光棍節宣布婚訊!王菀之同周渝民二人都分別係2015年嘅雙11公布喜訊,決定喺呢一個慶祝單身萬歲嘅日子宣布要進入人生另一階段。

【雙11 2018】明星光棍節曬恩愛,閃盲單身狗!

王菀之喺2015年11月11日喺Facebook同微博宣布結婚!Ivanan發佈咗3張同「Figure王」蘇卓航嘅合照,caption 引用咗自己歌曲《好時辰》嘅歌詞「遇上你 太感恩 不遲亦不早」,並表示「Eric So, you're SO LUCKY.」

【雙11 2018】明星光棍節曬恩愛,閃盲單身狗!

仔仔周渝民喺光棍節前一日,即係2015年11月10日喺微博宣布結束單身,並同拍拖4年嘅女友喻虹淵註冊結婚。周渝民以爆炸性嘅姿態喺光棍節宣布結婚消息,並喺帖文中提到「周太太真美!是的,我們结婚了。」

【雙11 2018】回顧明星光棍節曬恩愛,閃盲單身狗!

喺11月10日宣布喜訊原來唔止得周渝民一個,王祖藍喺2015年嘅11月10日喺微博發文公開咗同李亞男嘅戀情,展開咗呢段「長短腳之戀」!

閃光彈高班:舉行婚宴

【雙11 2018】明星光棍節曬恩愛,閃盲單身狗!

如果閃光彈低班同中班都滿足唔到你嘅要求,咁可以考慮下呢個閃光彈高班,就係擺喜酒。古巨基同拍拖20年嘅女友Lorraine喺2015年嘅光棍節喺香港補辦喜酒,更派發粉紅色少女心爆發嘅喜餅同喜帖,簡直閃盲娛樂圈!

唔知今年嘅光棍節又有邊一pair明星情侶發閃光彈呢?

LOAD MORE