editing

第三者難抽身!面對愛情3大要訣

第三者難抽身!面對愛情3大要訣

感情之中好多時都冇對與錯之分,出軌可能好多時都係因為唔夠愛,而當有第三者出現嘅時候人們永遠都會認為一定係第三者破壞人感情,但其實第三者呢個角色永遠都係吃力不討好,因為愛情係盲目,想抽身而退,但又唔想放棄愛情,如果你咁唔好彩唔覺意做咗人哋嘅第三者,要面對呢種兩難嘅局面,就要學習以下幾點,成為一個稱職的第三者。

by 林蝶

1. 第三者面對愛情 要學識照顧自己

咁辛苦為乜?如何做個稱職的第三者

對方始終唔可以隨傳隨到,有乜頭暈身㷫,屋企大小事務都要自己一力承擔,所以要學識自己照顧自己,唔好依賴對方,一來對方唔需要花額外的時間照顧你,每次見面都可以盡情享受美好嘅時光;二嚟就係你唔需要再靠人照顧,自己都識愛得愛自己,病了不會再渴望一句飲杯暖水,又不會怪對方不關心自己,自然就會同對方少點爭吵,個男人自然會多啲鍾意同你呢個第三者一齊。

2. 第三者要令個男人唔洗氹你

咁辛苦為乜?如何做個稱職的第三者

同對方始終係唔見得光嘅關係,大時大節當然無辦法正日慶祝,怕寂寞嘅你喺呢啲時節一定會倍感傷神,所以要擁有良好嘅人際關係,一來可以揾朋友去玩嚟分散注意力;二嚟就係唔會傷感,男人最怕要氹人,起碼對方打俾你,你都係開開心心,唔使聽你怨婦咁怨,開心之餘都要扮吓可憐,唔好俾對方感覺無咗佢你都可以自己生活,因為男人一覺得自己被需要就會想做英雄,等對方可以快啲諗辦法嚟見你。

3. 第三者要養得起自己

咁辛苦為乜?如何做個稱職的第三者

雖然係做第三者,但千祈唔好有想等人養嘅心態,因為一咁諗你就會變得cheap,一cheap對方就會睇你唔起,所以要做就要做一個養得起自己的第三者,有自己的事情及世界,唔會萬事都以對方為中心,即使佢要陪正印你都唔會無所事事,剩係識得喺度等對方揾你,就算分手,你都可以走得瀟灑一點,可以自給自足。

咁辛苦為乜?如何做個稱職的第三者

其實以上咁多點,作為一個女人做得咁辛苦,你問自己真係值得?做第三者的矛盾其實都只係因為太愛,但當你清醒的時候就會明白一切都係鏡花水月,始終如果對方有得第三者,都會有第四者,第五者,可以的話就及早抽身,免得傷害人哋感情又傷害到自己。

LOAD MORE