editing

玩交友App一直無真愛!男生視覺:最怕遇上這4種女玩家

玩交友App一直無真愛!男生視覺:最怕遇上這4種女玩家

玩交友App,要遇到合眼緣的對象唔難,但要見得到、捉得住,再進一步發展,實在唔容易。坊間有不少提升玩交友App的配對成功率的方法,但站在男人角度,其實更怕遇上以下4種女玩家。想從玩交友App認識到真心交往對象的妳,不妨做個參考。

by Edward Ma

不受歡迎女玩家特點1. 高估自己的吸引力,「吊高嚟賣」

玩交友App一直無真愛!男生視覺:最怕遇上這4種女玩家

男人總會高估自己的吸引力,其實女人都會。特別在交友App用手指撥幾下就Match到一大堆男仔,自信心好容易爆棚。但實情係,「你揀人,人亦能揀你」。

 「吊高嚟賣」呢一套,交友App的世界完全唔work!你可能覺得做得自己男朋友,就會比足心機氹自己,身為女生又要有所矜持。但對唔住,人哋仲未係你男朋友。況且,你唔覆人,人哋即刻可以轉移目標,錯失大好筍盤。

玩交友App一直無真愛!男生視覺:最怕遇上這4種女玩家

「Match咗又唔講嘢,講嘢又淨係覆單字,咁仲有咩好傾?」

玩交友App同一般社交一樣,有來有往先有機會發掘到話題,更進一步。需知道香港有好多女生超主動,一配對完就進攻,假如你仍吓吓等男方開口,唔識把握機會,絕對會走寶。

 

不受歡迎女玩家特點2. 防護網全開

玩交友App一直無真愛!男生視覺:最怕遇上這4種女玩家

玩交友App時,發現唔少女仔鍾意將Profile寫到好似香港啲公園告示咁:

  • No Sex
  • Don’t sell me anything
  • Don’t ask silly questions like “How are you” 
  • No exchange WhatsApp
  • No meet up when we start chatting
玩交友App一直無真愛!男生視覺:最怕遇上這4種女玩家

見到一個咁嘅Profile, 男仔不會覺得你有矜持、專一,只會覺得你的港女性格出曬嚟,需知道「No」和「Don’t」都係命令式,身為女生一開始就以命令式口吻對待素未謀面的人,男人就會覺得:「咁不如你收線算啦」。既然開得account 玩,不妨放開啲。況且你的告示,係唔會阻止到Sales 同埋Playboy埋身!

 

不受歡迎女玩家特點3. 扮ABC用英文交流/用火星文!

玩交友App一直無真愛!男生視覺:最怕遇上這4種女玩家

首先,ABC喺男仔心目中加分唔多,因為普遍香港人的英文唔係真係咁好。傾計,無非都係想增進感情,用返中文,自然表達得更好,更容易留下好印象。唔係「nei ok ng ok ar?」果啲火星文,係繁體中文啊!

 

不受歡迎女玩家特點4. Profile 冇個人相/ post一大堆朋友合照

玩交友App一直無真愛!男生視覺:最怕遇上這4種女玩家

有部分女仔的profile,會放大量風景相,然後自己的描述加一句”Don’t judge a book by its cover.”以為咁樣就可以做到非誠勿擾,絕對大錯特錯。事實上唔到你唔承認,玩交友App的人絕大部分都係「樣貌協會」會員。男生唔會太有耐性去了解故弄玄虛的人。

 

玩交友App一直無真愛!男生視覺:最怕遇上這4種女玩家

Pen Pal同千禧年代的網戀時代已經一去不返,玩交友App的人都好忙,唔會想同一堆風景相傾計,亦唔會花心機去幻想呢一堆風景相後面的嗰個人係咩樣。相信你亦如是。

 

玩交友App一直無真愛!男生視覺:最怕遇上這4種女玩家

另一個極端例子,係放同朋友一齊影的合照。要對方估邊個係自己,已經給人一種唔誠實的感覺,如果估錯盞令你唔高興;而且玩交友App,公開埋朋友樣貌,朋友都未必鍾意亦未必知情,男仔係會有少少覺得,你唔係好尊重朋友的私隱,大大扣分。

LOAD MORE