feature

Speed Dating 大忌!過來人分享想拍拖先要戒掉這5件事

Speed Dating 大忌!過來人分享想拍拖先要戒掉這5件事

當人人轉攻交友App搵拍拖對象,你以為Speed Dating已經out咗無人去?錯喇!相反,去得Speed Dating的人更有誠意搵另一半。不過誠意還誠意,犯咗以下五大忌,再有心都唔會有人鍾意!


Speed Dating同對方交換完IG,忌立即起底

Speed Dating 大忌!過來人分享想拍拖先要戒掉這5件事

曾參加Speed Dating的男生Gary (化名)大爆,試過對在場一位女士有好感,雙方即場私底下交換IG,殊不知對方即時瀏覽他的相片,更針對有女生合影的照片放大,明目張膽地看他與異性的關係,令他覺得不受尊重,未拍拖已無自由度。女生們可能好緊張另一半有咩女性朋友,但大家只是初次見面,公然「侵犯」他的私隱確實無禮貌。

唔好同姊妹孖住參加Speed Dating

Speed Dating 大忌!過來人分享想拍拖先要戒掉這5件事

Gary 又遇過一個情況:有朋友想參加Speed Dating卻因為怕怕羞羞,邀請朋友一齊去壯膽,原來都係Speed Dating大忌。因為女生會怕孤獨無安全感,自然地與朋友圍埋傾計,男生見到一班女生堆埋一齊,就唔想上前結識,大家又錯過好機會啦!而且同朋友一齊,真性情容易現形,八婆樣或大笑姑婆style唔覺意被發現就慘啦!

Speed Dating唔駛打扮過份隆重性感

Speed Dating 大忌!過來人分享想拍拖先要戒掉這5件事

記住,你唔係去見工,唔洗著suit咁誇張;你亦唔係去蒲,唔需要出動full gear戰衣。One And Only負責人Billy話,適度打扮,唔駛性感,展現到女生魅力就可以了!小編建議一件little white dress或連身裙,得體大方,淡妝示人就足夠。

Speed Dating最忌以貌取人

Speed Dating 大忌!過來人分享想拍拖先要戒掉這5件事

有拖拍的女生 Iris 陪過朋友去Speed Dating,佢話要預咗參加者未必高質,包括外表。心頭高的女生因眼前對象非自己杯茶就起槓、冷眼對待,以貌取人的心態實在要不得。你以為自己package好好,其實對方都未必睇得上你。所以唔好單憑外表而落閘,否則會錯失很多發展機會。

Speed Dating時勿查家宅/ 敷衍回應

Speed Dating 大忌!過來人分享想拍拖先要戒掉這5件事

Billy教路,說話技巧好重要,對住有好感的對象,唔好過份投入,不停講自己的事蹟,只會令對方覺得你太自我;不停查人家宅,又會被認為「審犯」。面對沒興趣的對象,一句起、兩句止,只識「哦」「係」簡短回應更是沒家教表現!

LOAD MORE