正印要小心！5大原因令創業的男人吸引第三者埋身！

自己搞生意，返工時間就跟sales 一樣自由彈性，能在上班期間合理消失幾個小時都唔會被同事察覺，更何況返緊工的另一半？而且，身為老闆OT是常識吧，經常借加班為由陪唔到女朋友，你好難掌握他到底在忙什麼，所以有第三者也難以在第一時間察覺到。

呢個社會，要成功創業，識人好過識字。創業人士都需要多應酬交朋友、拓展人脈，以為業務尋合作機會。透過參加各種聚會、社交活動，他們自然多了機會認識形形色色的女人。如果你唔係佢職場上的好拍檔，而係個同社會脫節的師奶，伴侶在創業的時候可就要多加留心。因為那些在職場奮鬥的女人，不但在工作上與你的男人有共同話題，更有經濟能力及見識，自然對創業的男人產生吸引力。

有自己事業的男人雖然唔一定好有錢，但就有好多小三送上門！因為女人都會覺得創業的男人有魅力，會追求夢想，肯接受挑戰！當男人在談論自己夢想的時候會散發光芒，呈現專業、堅定、熱忱的魅力，令女人欣賞崇拜。當第三者自己癡埋嚟，如果男人定力唔夠，自然心思思想偷食。