點解有啲痛苦唔會喺表面流露，反而隨住時間變得強烈？好大嘅原因，係因為當我哋從長期嘅親密關係裡面分離出嚟時，會打破同埋改變我哋對「自我」嘅概念。隨住兩個人一齊嘅時間越來越長，大家嘅自我意識會不自覺糾纏，甚至成為對方人際交往系統嘅一部份，透過彼此去填補各自嘅自我認知。
簡單嚟講，即係情侶會潛移默化地改變，不自覺同對方交換習慣、性格、喜好，甚至係人生觀、價值觀等等。久而久之，自己同對方嘅一切就會慢慢被同化。當關係結束嘅時候，你唔單止係失去咗一個戀人，更係失去咗一部份嘅自己。咁樣亦解釋得到，點解有啲人分手後會失去自我，甚至搵唔返原本嘅自己！
其實對大腦而言，心理同生理嘅傷痛其實冇乜大分別。美國University of Michigan曾經做過一項 （幾變態嘅）研究，研究員要求參加者觀看舊愛嘅照片，然後為佢哋做腦部磁性共振掃描。實驗證明，心理創傷同生理燒傷嘅腦部活躍區域都係一致，都係咁痛......
所以話，每一個睇落堅強嘅人背後，都可能隱藏住巨大嘅傷痛，下次真係唔好隨便挖人瘡疤喇 !
MORE FROM
立即訂閱Cosmo電子報
感謝閣下訂閱Cosmo電子報。
閣下將收到一封電郵確認，謝謝支持！
閣下已註冊Cosmo電子報，請按下註冊電郵上的連結，以激活閣下的帳號。
如果未收到註冊電郵，請按此重發。
閣下已曾註冊Cosmo電子報，請前往設定更改閣下的訂閱選擇。
據系統顯示，閣下為CosMart會員；如想訂閱Cosmo電子報，請前往CosMart後台設定 - 接收電郵設定更改閣下的訂閱選擇。
