editing

珍惜婚前的時光!細數婚後男女走樣細節

珍惜婚前的時光!細數婚後男女走樣細節

結婚是很多少女的夢想,因為嚮往早日脫離單身行列,免做剩女;因為嚮往人妻身份,覺得結婚會如童話故事結局般,會一直幸福下去。只是夢想與現實總有距離,結婚前一些美好細節,可能很快會在婚後走樣。以下四項走樣細節,相信人妻們會有共鳴:

by COSMO

1. 由一起睡變各自上床睡覺

由一起睡變各自上床睡覺

還是男女朋友時,女的偶爾到男家過夜,二人總會相擁而睡,幸福不已。女生們婚前總會幻想結婚後每晚如此,在閉上眼睡覺前看著對方,在打開眼清醒時望著對方。傻啦!你忘記了老公夜晚要睇波。以前當然能夠在英超的時間休息,但宜家仲要一齊瞓?完場先啦,你老公仲要半夜跨過你落床睇波啊!就算無波睇,老公睡不著,都再不會望著你睡。我常常聽到:「瞓唔著啊我出去睇電視」。

 

2. 由拘謹的屁聲到震耳欲聾的爆石聲

由拘謹的屁聲到震耳欲聾的爆石聲

放屁是生理需要,但做男女朋友時,總不想影響形象。無咁熟時死忍爛忍,熟啲時會向對方預告:「我想放屁啊。」還要聽到對方講:「放囉~」才放膽掀開張被,在萬眾期待的氣氛下對著床邊放。真有禮貌!結婚後屁聲不再拘謹,都算小事一則,因為你將會被廁所傳來的爆石聲所嚇到,越大聲他越高興,而他對於對於你表現出來的厭惡也會完全無視。都仲未計大家如廁已不會再關門,又或是他會在你暢快中途,亂入廁所拎野/問野。

 

3. 由美好身段變肥師奶

由美好身段變肥師奶

稍有危機感的情侶,未到結婚一刻都會努力keep fit。就算唔keep,都不會自暴自棄狂食宵夜。婚後就唔同,不是沒有危機感,而是肚餓會傳染,只要二人其中一個突然提出嗌麥麥送,就會兵敗如山倒。曾聽說有對夫婦,老婆熱愛烹飪,然後當她鑽研新菜色如麵包時,老公就預咗一日12餐都是吃麵包,唔肥就假。

 

4. 由咩都好,到咩都有啲意見

由咩都好,到咩都有啲意見

拍拖時去對方屋企過夜咪都係幾日,對對方有咩意見都好易吞返落肚。婚後就唔同,個屋企大家都有份,所以小至個袋放邊道,到啲餸咸唔咸,大如轉唔轉工好,到生唔生仔,兩個人好多時都各自有意見。樣樣事都要討論,甚至挑剔。很多夫妻都因爲習慣不同,過不了磨合這關,最後都要分開。

結婚後走樣清單數之不盡,不過走樣另一個解讀,是隨心。沒有童話式的婚後生活又如何?開心的回憶才是無價。因為愛情是一瞬間,感情是一輩子,才會選擇用自在的方式與對方生活啊!

LOAD MORE