feature

王貽興專欄:以結婚之名做藉口,男友小小事都唔肯就你?

王貽興專欄:以結婚之名做藉口,男友小小事都唔肯就你?

絲打在討論區貼文討拍,哭訴跟男友籌備過程中男友一直遷就,所有事情都讓她作主,但因為男友臉上有不少暗瘡印,女生認為一世人靚一次,想捉男友去做激光去疤療程,一直樂意遷就的男友卻在這方面斷然拒絕,女生就覺得男人小小事都唔肯就自己,怪責男友不夠疼愛自己……喎。

by Cosmo

女人是一種你就了她99處,只有1處不肯就範,就會被無限放大,然後其他99處妥協遷就都不當一回事的生物。對女人來說,你愛我就要就晒我,記住不是就我,是就晒我,只有一處半處一次半次不肯就我,你就是不愛我……

對很多人來說,結婚嘛,一世人一次梗係要靚,梗係要點點點,呢句說話真係害死唔少人。為咗果晚威一次,做多少無謂事情,堅持多少只有你自己覺得有分別但旁人一頭黑人問號的大小瑣細......

也別說當中嘥咗多少錢,吵過多少架,就是為了讓自己果一晚,成為自以為的世界中心,當一晚主角……

站在女人角度,自己想威想靚,所以自己要靚要威不特止,仲要改造埋男友,因為驚男友會失禮,會被人指指點點,笑佢肥笑佢冇頭髮笑佢面上多暗瘡印,口裡說不介意的女友,其實才是真正最介意那一個……

可是對男人來說,臉上暗瘡印又好,頭上那幾執稀疏頭髮也罷,都是他的尊嚴所在。

你提醒他結婚果日要遮要搞,其實即是間接告訴他,你塊面唔見得人,到時會失禮人……這種直擊要害誰能忍受?如果真的覺得問題嚴重需要正視,

為什麼平時不早點看醫生處理,卻只打算在結婚那天粉飾太平,呃觀眾瞞天過海?

所以我一直覺得臨結婚前才跑去做幾次療程或者少吃幾餐的新郎新娘真的無謂。所謂靚了一兩天,抱住輯根本認唔返係你既結婚相自己J過世,如果真的那麼喜歡那個靚到認唔出係自己的自己,那就平日努力KEEP,堅持運動,節食修身,努力護膚,這種積極正面態度才是正確的吧?

還是網民回得好。如果你男友以結婚要威要靚的名義,要求你擺酒行禮前整吓容隆吓胸,你係咪又覺得合理OK先?

LOAD MORE