爸爸去哪兒春節版:Jasper+嗯哼+小泡芙大搞三角戀!?

爸爸去哪兒春節版:Jasper+嗯哼+小泡芙大搞三角戀!?

大家期待已久嘅春節版《爸爸去哪兒5》終於喺大年初一開始放映,陪大家過新年!今次繼續由5位老豆同6位精靈得意嘅小朋友帶歡樂俾大家,無數嘅笑位令觀眾笑到四萬咁口呀!

By COSMO

小可愛嗯哼 終於大個仔

小可愛嗯哼 終於大個仔

唔知大家記唔記得《爸爸回來了》入面,嗰個怕怕醜醜嘅小可愛「嗯哼大王」呢?今輯《爸爸去哪兒》嗯哼終於大個仔,但竟然變咗個人細鬼大既鬼靈精,不過個樣有少少Mix嘅佢,依然咁得意,討得一眾觀眾嘅歡心!

小朋友偶遇「草泥馬」

小朋友偶遇「草泥馬」

就喺六位小朋友一齊去搵村長嘅時候,咁岩喺公園見到兩隻俗稱「草泥馬」嘅羊駝,小朋友見到「草泥馬」就超級興奮,一齊走咗過去摸摸「草泥馬」。

「嗯哼大王」偷錫小泡芙

「嗯哼大王」偷錫小泡芙

正當嗯哼大王發號施令話「我們出發吧!」嘅時候,突然其中一隻草泥馬錫咗嗯哼面珠躉,嚇到佢即刻彈開一米,其他小朋友見到都一齊大笑。一臉不爽嘅嗯哼就抓住小泡芙,誓要錫一啖補翻數!偷錫得米嘅嗯哼露咗個「招積」樣出黎,而小泡芙就見慣見熟,好似冇事發生過咁,場面非常搞笑!

小泡芙、Jasper浪漫遊鄉間

小泡芙、Jasper浪漫遊鄉間

另一方面,喺小泡芙同Jasper漫步鄉間路嘅時候,兩個人嘅對話超級sweet,好似台灣偶像劇咁!因為小泡芙行得唔夠快,落後咗喺Jasper後面,但小泡芙又想一齊行喎,所以就主動問:「我們一起牽手好不好?」點知Jasper另轉面唔係拖佢隻手,竟然幫小泡芙戴草帽,可能係太怕醜。小泡芙冇戴到,Jasper唯有戴翻俾小泡芙睇。

你知道誰很可愛嗎?

你知道誰很可愛嗎?

Jasper又問:「你知道誰很可愛嗎?」心底嘅答案緊係小泡芙啦。不過小泡芙冇諗咁多,只係一心覺得Jasper戴草帽好可愛。兩小無猜既佢地漫步鄉間小路,對話十足偶像劇一樣,唔知嗯哼見到會點呢?嗯哼鍾意小泡芙,但小泡芙又鍾意Jasper,就好似偶像劇入面既三角戀,令一眾觀眾睇得心思思,腦入面忍唔住不斷FF!

湖南衛視芒果TV

LOAD MORE