工作狂女友注意！你可能還沒準備好接受愛情

愛情不是一拍即合後，就可以由它自生自滅。你需要抽時間經營，包括上班時間回短訊，周末時二人世界，留些Annual Leave給他。如果你係事業型女性、工作狂，不懂得work-love balance，那就要小心出現以下6個男朋友不喜歡的畫面。

1.忙到連短訊都唔覆，真係一分鐘都俾唔到男朋友？

工作至上，返工時間忙到message都覆唔到，可能係人之常情。但眼前身邊同事都會在lunch time抽1-2分鐘同男朋友傾電話，哪怕是簡單一兩句回覆，問下今晚收幾點，都係一個互動。

 

除非你做醫護前線等節奏緊張的工作，絕不能分心，否則以工作忙碌為由斷絕聯絡，其實說不過去。

2.拍拖剩係識呻公事，又點會開心？

跟男朋友拍拖，對方固然想知你今日發生過的大小事，但當拍拖話題永遠落在工作上，另一半只會覺得煩厭。因為工作話題十居其九都係負面性質，拍拖時話題單一兼不停放負，久而久之他變得不想跟你見面。

 

3.見面到底係拍拖定做嘢？

拍拖行街時，見到任何事物都可以令你聯想起工作，「呢件產品好得意，等我影俾同事參考」、「我做緊個project同呢個展覽理念好貼近」諸如此類的行為對話都會令另一半不是味意。

 

到底你係為咗拍拖才出來，抑或只係搵人陪你處理公事？不能一心一意跟對方約會，等於慢慢把他推開。

 

4.二人世界仲要處理公事？

請假去旅行又係一大難題。試問有邊個唔想同情人去旅行，真正享受二人世界？不過公事忙得令你請唔到長假期，OK，男朋友體諒；咁嚟個短假期，2日1夜遊澳門可行吧？

 

然而，有種女生心裡全是公事，去到旅行仍然機不離手，email 同 WhatsApp notifications 彈個不停，又點會增進到感情？

 

5.你的世界裡根本沒有他的位置

雖則話男人唔鍾意女朋友太痴身，需要me-time做下毒男打吓機，但當女友係工作狂，完全唔痴身，男人會覺得自己唔似拍拖，甚至發現女友的世界毋須他的存在！呢個時候有新對象，就會一腳踏兩船，到是你咪怪佢偷食！

 

6.不知不覺埋怨男友無上進心

另外都有男人反映，工作狂女友會責怪他不夠上進，無事業心，雙方步伐與理念不一致。其實只係女友太over，最終忍受不了而分手。