同真正愛的人遠走高飛!如果你係《平安谷》二奶奶蘇玉華會點揀?

同真正愛的人遠走高飛!如果你係《平安谷》二奶奶蘇玉華會點揀?

做人有返咁上下年紀,就一定有啲重要嘅人離開咗你身邊,包括你深愛嘅ex。

By COSMO

你唔會成日掛住佢,尤其是喺香港呢個忙到甩碌嘅社會,根本連諗吓嘢嘅空間同時間都冇。但總會有時畀某啲嘢click中,開始回顧段感情,諗如果當年咁咁咁,唔知會唔會點點點,或者到依家就有個美滿幸福結局。若然真係畀你見返「錯過了的人」,你會唔會同佢喺返埋一齊?

蘇玉華,平安谷,二奶奶

有冇睇大台劇《平安谷之詭谷傳說》?蘇玉華演嘅二奶奶帶住個油艇女,忍個死老嘢只為兩母女有飯食有屋住,期望個女嫁好啲已經係最大而唯一嘅心願。本來風平浪靜心如止水,突然有日以前嘅愛人天佑山長水遠嚟搵你,仲想同你舊情復熾,約埋一齊放風箏又細細聲講情話,久旱逢甘露,咁浪漫,幾有定力都頂唔順啦。不過二奶奶就係冇跟佢走。

蘇玉華,平安谷,二奶奶

二奶奶喺平安谷力爭上游,有幸對上嘅大婆潛心求神學佛,亦唔係管理生意嘅材料,佢先可以做到屋企嘅大管家,錢由佢管,喺男人大晒嘅平安谷有一定地位。老公又唔係想自己死,夫妻親熱嘅「厭惡性工作」又有三、四奶奶去頂住,自己唔使理,留喺平安谷就有「安定」嘅生活。有觀眾話如果佢係二奶奶,一定會跟真正嘅愛人遠走高飛。梗係啦唔係你,你一定口輕輕,叫你發老細爛炸裸辭都唔夠膽啦,何況係帶埋個女跟佬走?

蘇玉華,平安谷,二奶奶

隨住年紀愈大,機會成本愈高,冇膽量推倒以往努力經營嘅成果,唔敢輕易話從頭嚟過,開始只求穩定不求激情。工作、朋友、愛情,按預定軌道進行就已經心滿意足。除非你一早已經有所準備,或者對方可以令你冒險一搏。天佑喺省城有屋有事業嘅話,二奶奶可能就會考慮跟佢遠走高飛。

蘇玉華,平安谷,二奶奶

成日有人問揀「愛情」定「麵包」,其實呢條問題本身有問題,愛情裡面係有麵包嘅。如果你遇到一個人可以令到「成熟」嘅你只為愛情不顧麵包,我祝福你。可惜現實世界無童話,Mr. Right之所以係Mr.Right,除咗要喺Right Timing出現,亦要有「對的條件」。

LOAD MORE