今期娛樂圈特別多喜事，不止多人結婚，每隔幾星期就有明星藝人公佈喜訊！日前藝人張美妮也在IG公佈好消息，指自己已懷孕了，恭喜恭喜！今次跟大家細數懷孕中的女星，推算預產期都在2019農曆新年後，都是豬年BB啊！（如果你也想快點生個豬年BB，不妨學學性愛助孕秘笈取經！）
登入 瀏覽本網站，可獲取積分換領專屬優惠
點擊查看專屬優惠
張美妮努力 5 年造人成功！
今年38歲的張美妮與髮型屋老公結婚5年，終於迎來第一胎！原來美妮一向有計劃生B，但可能因高齡問題遲遲未有好消息。今胎得來不易，美妮表示已全面停工休息，只會接一些活動唱歌表演，她和老公也很期待BB明年6月左右出世。
岑麗香努力造人終懷豬年BB！
岑麗香於2016年尾與圈外男友Joshua（強強）結婚，粉絲們足足等了兩年，今年終於傳來喜訊！香香在2018年約滿TVB後就沒有續約，飛回加拿大休息，努力造人，為生B都下過一番苦工！現時成為王祖藍旗下藝人的她，更透過其FB專頁多謝各位祝福。香香跟老公都是郎才女貌的一對，無論呢胎係仔係女都一樣咁可愛！
陳凱琳尚未公開預產期
陳凱琳和鄭嘉穎今年8月拉埋天窗，婚前一直被傳指奉子承婚但否認，殊不知婚後短短4個月就有好消息傳來。不過陳凱琳就未有公佈BB性別，更口密到連預產期都不公佈，未知係咪真的如外界傳言「未婚懷孕」呢？
單文柔大方承認未婚懷孕陀「陳皮妹」
同樣是2018年結婚的單文柔與陳展鵬，亦都唔執輸宣佈喜訊！Phoebe大方承認自己是未婚懷孕：「知道有咗就提早結婚。」兩人更幫BB改定乳名「陳皮妹」，原來Phoebe喜歡食陳皮，所以話生女就叫陳皮妹，生仔就叫小煎pan，難道意有所指，呢胎係女？
楊愛謹三年抱兩
已育有一子的Miki，豬年將會三年抱兩！早前表示會再造人的她估唔到咁快有好消息！不過呢胎係預期之內，皆因她與老公一直都想追多一個，如今美夢成真，一家四口的日子不遠啦！
前港姐冠軍張嘉兒再度懷孕！
前港姐冠軍張嘉兒也再度懷孕！她在IG上表示今次陀BB比上一次辛苦同埋攰好多：「真係每日淨係想黐住張床，不過係唔可以嘅，因為我仲要照顧我個女。作吐作悶嘅次數亦都多咗，聞到有油煙味都會感到不適。」不過身為育兒界KOL的嘉兒，相信今次陀B養胎難佢唔倒，祝BB順利出生吧！
立即訂閱接收Cosmo最新潮流資訊
訂閱電子報，獲得更多資訊、體驗及禮遇