有咩方法脫腋毛又便宜又乾淨？

最方便又慳錢嘅方法一定係用T型剃刀加拔毛夾，不過首要條件係唔怕痛！

方法：

01. 溫和地洗乾淨腋下。

02. 擦乾後，把手臂高高舉起，以T型剃刀，由下往上，順著毛髮的方向刮除毛毛。

03. 刮完毛後，等2至3日，腋毛長出一點點，而呢個時候冒出肌膚表面嘅腋毛係較粗嘅毛根，再以拔毛器夾住毛根，一根根拔掉。不僅除得徹底，而且新生出嚟嘅腋毛亦比較細。

如果怕痛，唔做拔毛嘅步驟，唔單止有好明顯嘅黑點，感覺仲好污糟，硬硬嘅毛根仲會刺痛皮膚，唔舒服，而最大嘅問題係毛髮2至3日又生返出嚟，剃毛剃得太密會傷害皮膚，拔毛則可以保持腋下光滑至少7至10日。

由於腋下的肌膚係凹凸不平的，所以一定要用有弧度嘅T型剃刀，而唔係平型剃刀，否則會好容易受傷，剃刀使用前亦要記得用棉花沾少少低濃度酒精去消毒，保持衛生呀！