每逢轉天氣，一上粉個鼻就甩皮？

通常夏天時因為擔心出油問題，都會刻意喺T字位，尤其鼻翼兩側搽少啲護膚品，又會用吸油紙勁吸油。久而久之，到咗秋冬，即使轉返用啱季節嘅護膚品，個鼻都係會因為之前過度去油而補救不及，平時可能唔多覺，但一上粉就會現形。

簡單又方便嘅方法，就係夜晚喺鼻上厚敷凡士林瞓覺，第二朝起身用熱毛巾抹走剩餘嘅凡士林，化妝時就唔會有死皮喇。