平日做facial就做得多,可能會比較忽略頭髮或頭皮護理,我經常漂染頭髮,但又缺少做頭髮treatment,早前受到10/10 Hope邀請,親身試試其「天然純淨美髮體驗」。
髮型師首先問我最關注咩頭髮問題,而我最關注嘅就係頭皮屑,髮型師話,頭皮屑問題,可能係因為經常漂染頭髮、洗頭唔乾淨、無沖乾淨洗頭水等。
跟住佢就用頭皮機幫我照一照。
(以下圖片可能引致不安)
.
.
.
.
.
(係有啲嘔心)
喺頭皮機放大咗之後,發現我嘅頭皮的確黐咗好多頭皮屑,有啲仲積咗好耐,甚至有塞住毛囊嘅問題。
檢視完之後,就決定重點幫我清洗頭皮,去走積聚已久嘅頭皮屑,目的係令疏通毛囊,令頭皮可以「透氣」。
首先清洗頭髮,然後髮型師特別選用Christopher Robin海鹽舒緩頭皮潔淨霜,將頭皮屑清走。
之後搽上Christopher Robin仙人球果籽油柔亮修護髮膜,同時配合蒸氣機,幫助頭髮吸收。
完成之後,當然要再用頭皮機睇吓成果。
效果好明顯,真係比之前乾淨咗好多!而且頭皮仲比之前有光澤,唔再咁暗啞。我自己就感覺清爽咗,頭皮好似真係透返氣。當然一次嘅療程無可能100%清走晒,所以要定期做,就好似我哋皮膚一樣,要定期去角質咁。
上圖就係我今次療程用過嘅產品。
(左至右)
Christophe Robin洋甘菊矢車菊潔淨洗髮露 HK$300/250ml
Christopher Robin海鹽舒緩頭皮潔淨霜 HK$430/250ml
Christopher Robin仙人球果籽油柔亮修護髮膜 HK$610/250ml
Christophe Robin玫瑰豐盈護色噴霧 HK$330/150ml
Christophe Robin檀香木保濕髮乳 HK$380 / 100ml
所以,大家都唔好忽略頭皮護理,如果你都有頭髮或頭皮問題,不妨都去10/10 Hope做返個hair treatment,佢哋用嘅產品都係天然有機,絕對唔使怕傷頭皮或頭髮!
價錢:
基本療程HK$680 + 導入療程HK$300 = HK$980
登入 瀏覽文章可賺取積分