眉毛唔再濃密？3大原因導致眉毛不生長

有啲人天生眉毛濃密，但曾經剃過眉毛後，發現眉毛好難生返出嚟，有啲人就係天生眉毛稀疏，一直做「無眉娘」。想眉毛變返濃密，就要留意以下重點。

眉毛不生長原因1：過度拔眉毛

很多人會用眉夾拔眉毛，但長期拔眉毛，會令毛囊過度拉扯，從而令眉毛停止生長。如果想改善眉形，修剪雜毛的話，可用眉刀刮走多餘的眉毛。

眉毛不生長原因2：卸妝不乾淨

卸妝唔乾淨會堵塞毛孔，所以眉妝如果無徹底卸淨，會令眉毛嘅毛孔堵塞，從而無法正常生長。

眉毛不生長原因3：營養不良

有啲女生節食減肥，導致營養不良，出現脫髮等問題，所以，均衡飲食係可以令眉毛生長濃密嘅其中一個要素。

有助眉毛生長小貼士：

1) 用喺眼睫毛嘅睫毛生長液，有幫助毛髮生長功效，一樣可以搽喺眉毛上。

2) 每日早晚潔面後，可以幫眉毛按摩，促進血液循環。

3) 多進食黑色食物，例如黑豆、黑芝麻等，有助促進眉毛生長，並增加光澤感。