feature

56句敬茶金句+出門入門吉利說話!不請大妗姐也可幸福出嫁

56句敬茶金句+出門入門吉利說話!不請大妗姐也可幸福出嫁

新人結婚,大多會遵從長輩要求跟從中式婚嫁禮儀,出門、入門、敬茶等婚嫁習俗全部做足,但未必會請專業的大妗姐操辦婚禮。假如你打算由姊妹團或親友負責敬茶禮儀,就要請他/她袋定以下敬茶及出門入門吉利說話。


姊妹畢竟非經驗豐富的大妗姐,新娘子宜在下列金句幫她篩選出最啱用的金句,大約10-20句,並貼心地列印在「貓紙」上。

出門/入門吉利說話

56句敬茶金句+出門入門吉利說話!不請大妗姐也可幸福出嫁

1. 灑米餵金雞,金雞尾彎彎,姑爺買樓買到貝沙灣。

2. 灑米餵金雞,新娘嫁得好夫婿。

3. 紅遮開萬花來,姑娘鴻運來,姑爺發大財。

4. 佳偶天成,如意吉祥,花開富貴。

5. 花車到門前,姑爺買屋又買田。

6. 鑼鼓一響,黃金千萬兩。

7. 新人入屋,金銀滿屋,旺夫旺主旺門楣。

 

敬茶金句(一般親戚篇)

56句敬茶金句+出門入門吉利說話!不請大妗姐也可幸福出嫁

8. 飲過新人茶,唔怕矇檬查查。

9. 飲過新人茶,發到笑哈哈。

10. 飲過新人茶,麻雀聽晒話。

11. 飲過新人茶,子孫聽晒話。

12. 茶到口,今晚麻雀好摸手。

13. 茶到口,千萬金錢入戶口。

14. 茶到口,出年又飲滿月酒。

15. 茶到口,半山買多幾層樓。

56句敬茶金句+出門入門吉利說話!不請大妗姐也可幸福出嫁

16. 茶到口,財到手,富貴榮華一齊有

17. 茶到口,甜到漏,添福又添壽

18. 茶到口,財到手,買車又買樓

19. 三杯到口, 明年飲姜酒

20. 甜茶到口,兒孫好快有

21. 一杯飲到尾,青春又健美

22. 食過糖蓮子,年年生貴子。

23. 食過糖蓮耦,年年都有。

 

敬茶金句(四大長老/指定親戚篇)

56句敬茶金句+出門入門吉利說話!不請大妗姐也可幸福出嫁

24. 今年娶新抱,出年有孫抱。

25. 飲過新抱茶,出年做阿嫲。

26. 飲過新袍茶,富貴又榮。

27. 飲過新抱茶,好快孫仔四圍爬。

28. 奶奶飲過新抱茶,出年抱孫笑甩牙。

29. 老爺飲過新抱茶,花開富貴又榮華。

30. 姨媽飲過新女婿茶,仔女聽教又聽話。

31. 姑媽飲過新抱茶,皮膚滑溜誇啦啦。

32. 姑丈飲過新抱茶,仔女成績唔會差。

33. 斟茶俾阿爺,等佢日日都笑騎騎。

34. 斟茶俾公公,買樓唔洗供。

35. 斟茶俾大伯,等佢越黎越大發。

 

56句敬茶金句+出門入門吉利說話!不請大妗姐也可幸福出嫁

36. 斟茶俾叔叔,等佢年年換大屋。

37. 斟茶俾姑姐,等佢年年換新車。

38. 斟茶俾舅母,舅母青春唔會老。

39. 斟茶俾阿姨,阿姨靚過張柏芝。

40. 斟茶俾姨媽/姑媽,出年幫手抱穌蝦。

41. 斟茶俾姨丈/姑丈,六合彩會中頭獎。

42. 斟茶俾家姐,等佢日日揸靚車。

43. 斟茶俾表姐,買樓又買車。

 

戴金器時必講金句(龍鳳鈪篇)

56句敬茶金句+出門入門吉利說話!不請大妗姐也可幸福出嫁

44. 戴起大囍,新娘好快有喜。

45. 戴起大囍,戴到風生水起。

46. 戴起大囍,戴到好快有身紀。

47. 戴起大囍,戴到金銀遍地。

48. 戴起大囍,保證你家肥屋潤笑嘻嘻。

49. 戴過金手鈪,等你快啲買豪宅。

 

戴金器時必講金句(其他金器篇)

56句敬茶金句+出門入門吉利說話!不請大妗姐也可幸福出嫁

50. 戴過金頸鏈,富貴好明顯。

51. 戴過金頸鏈,等你兩個賺多啲錢。

52. 戴過金戒指,生個金童子。

53. 金鍊戴上頸,好快住山頂。

54. 金戒戴上,三年抱兩。

55. 戴過金手鍊,有錢又有面。

56. 戒指有鑽石,特別多人錫。

 

LOAD MORE