3招控制嬲到爆情緒！

當事情未如你所願，又或者有人激嬲你，你會點？會唔會忍唔住大發脾氣？呢種憤怒，甚至感覺「癲晒」嘅情緒，唔單止會阻礙我哋解決問題，而且亦容易令人患上心臟病或抑鬱症。要防止自己「爆炸」，有以下的「防爆」措施：

提醒自己
學會對自己嘅情緒敏感一點，當你察覺到自己要發脾氣時，就提醒自己作深呼吸、聽聽音樂，暫時唔好再諗嗰件好嬲嘅事，先讓自己平靜落嚟。

解決問題
發癲係無用，不如拎出紙筆，寫低問題所在及可行的解決方法，然後你就會發覺問題未必如你想像中咁壞，而且一定解決得到！既然可以解決，又有咩好煩呢？

分散注意力
情緒壞時，個腦總係會泛起各種負面思想，唔好俾自己繼續諗落去，諗返啲開心嘅事，分散自己注意力！